Բանակի օրը Վ. Սարգսյանի անվ. ռազմական ինստիտուտում

Հայ ժողովրդի հայրենասեր ոգին, ազգային կամքն ու ապագայի հանդեպ վստահությունը մարմնավորող հայոց բանակը մեր երկրի խաղաղ կյանքի և առաջընթացի ապավենն է: Բանակի օրվա առթիվ Նոր Նորք վարչական շրջանի ղեկավար Արմեն Ուլիխանյանի նախաձեռնությամբ կազմակերպված հերթական միջոցառումը կայացավ Վ. Սարգսյանի անվան ռազմական ինստիտուտում: Նոր Նորքի Մշակույթի կենտրոնի սաների ու գեղարվեստական խմբերի, ինչպես նաև ճանաչված երգչուհիների սիրված կատարումները բարձր տրամադրություն էին ստեղծել դահլիճում:

Ինչպես մեր մեծ սպարապետ Վազգեն Սարգսյանն էր բնորոշում. "Բանակն է ազգային միասնականության օջախը": Այո, և այդ օջախի հզորությունը, վարքականոնը, նրա հենարանն ու աննահանջ ոգին մարմնավորում են մեր սպայական կադրերը: Այս առումով անուրանալի է Վ. Սարգսյանի անվան ռազմական ինստիտուտի նշանակությունը.
"Սպայական կադրերի դարբնոց" այս բնութագրով է ինստիտուտը ներկայանում հանրության շրջանում՝ կրթելով ժամանակակից ռազմարվեստի հմուտ մասնագետներ, ովքեր պատվախնդրորեն ստանձնում են սպայի դժվարին, բայց և պատվաբեր առաքելությունը: Բարձր գնահատելով կրթօջախի մեծ և անուրանալի դերը հայոց բանակի կայացման, նրա հզորության ապահովման գործում՝ Նոր Նորք վարչական շրջանի ղեկավար Արմեն Ուլիխանյանը, Հայկական բանակի 21-ամյա տարեդարձի առթիվ ինստիտուտին նվիրեց LSD հեռուստացույց՝ բարեմաղթելով ուսանողներին քաջառողջություն, ուժ ու կորով՝ իրենց պատասխանատու և պատվաբեր ծառայությունը ի բարօրություն հայրենիքի կատարելու գործում:

Նկարները` այստեղ