ՆՈՐ ՆՈՐՔ ՎԱՐՉԱԿԱՆ ՇՐՋԱՆԻ 3-ՐԴ ԶԱՆԳՎԱԾԻ ՄԱՅՐՈՒՂՈՒՆ ՀԱՐՈՂ ՄԱՅԹԵԶՐԸ ՀԱՄԱԼՐՎԵՑ ԾԱՂԿԱՅԻՆ ՆՈՐ, ԳԵՂԵՑԻԿ ԿՈՄՊՈԶԻՑԻԱՅՈՎ
Նոր Նորք վարչական շրջանի 3-րդ զանգվածի մայրուղուն հարող մայթեզրը համալրվեց ծաղկային նոր, գեղեցիկ կոմպոզիցիայով:
Բնական քարերի և ծաղիկների համադրությամբ աչք շոյող այս անկյունը արդեն հասցրել էր գրավել բազմաթիվ անցորդների ուշադրությունը:
Նոր Նորքի բնակիչներին մատուցված հերթական անակնկալը սպասված ու հաճելի ընդունելություն գտավ: Ծաղկազարդ այս գոտին ներդաշնակորեն համալրում է
մայրաքաղաքի օրեցօր ծաղկող ու գեղեցկացող դիմանկարը:
Նկարները՝ այստեղ
ԵՐԵՎԱՆ ՔԱՂԱՔԻ ՊԱՏՎԻՐԱԿՈՒԹՅԱՆ ՊԱՇՏՈՆԱԿԱՆ ԱՅՑԸ ՈՒԿՐԱԻՆԱՅԻ ԽԱՐԿՈՎ ՔԱՂԱՔ
Օգոստոսի
22-ից 25-ը Երևանի պատվիրակությունը՝ ի դեմս Նոր Նորք վարչական շրջանի
ղեկավար Արմեն Ուլիխանյանի և Ավան վարչական շրջանի ղեկավար Մանվել
Ջավադյանի,
պաշտոնական այցով եղավ Ուկրաինայի Խարկով քաղաքում:
Պատվիրակության անդամները մասնակցեցին Ուկրաինայի անկախության և Խարկով քաղաքի օրվան նվիրված տոնակատարություններին: Օգոստոսի 23-ին հյուրերը այցելեցին ֆաշիստական օկուպացիայից Խարկով քաղաքի ազատագրման զոհերի հիշատակը հավերժացնող Փառքի հուշահամալիր և ծաղիկներ դրեցին Անհայտ զինվորի շիրիմին:
պաշտոնական այցով եղավ Ուկրաինայի Խարկով քաղաքում:
Պատվիրակության անդամները մասնակցեցին Ուկրաինայի անկախության և Խարկով քաղաքի օրվան նվիրված տոնակատարություններին: Օգոստոսի 23-ին հյուրերը այցելեցին ֆաշիստական օկուպացիայից Խարկով քաղաքի ազատագրման զոհերի հիշատակը հավերժացնող Փառքի հուշահամալիր և ծաղիկներ դրեցին Անհայտ զինվորի շիրիմին:
Այցի շրջանակներում Երևանի պատվիրակությունը պաշտոնական հանդիպում ունեցավ Խարկովի քաղաքապետ Գենադի Կերնեսի հետ: Պատվիրակության անդամները ներկա եղան նաև Ազատության հրապարակում կազմակերպված թատերական ներկայացմանը՝ նվիրված Խարկովի ազատագրման 69-ամյակին:Օգոստոսի 24-ին երևանյան պատվիրակության կազմը Ուկրաինայի անկախության օրվան նվիրված միջոցառումների շրջանակներում ծաղիկներ դրեց Շևչենկոյի և Անկախության հուշարձաններին:Ծաղկադրման արարողությանը հաջորդեցին այցելությունները քաղաքի տարբեր դիտարժան վայրեր: Երևանի պատվիրակությունը մասնակցեց երկրի անկախության և Խարկով քաղաքի օրվան նվիրված մշակութային ծրագրին:
Նկարները՝ այստեղ
ՉՔՆԱՂ ԻՄ ԵՐԿԻՐ ՀԱՅԱՍՏԱՆ՝ Հայկական բնանկար Նոր Նորքի 9-րդ զանգվածում
Նոր Նորքի 9-րդ զանգվածում ավարտվեցին Հայկական լեռնաշխարհի թեմատիկայով նկարազարդման աշխատանքները:
Այսօր արդեն երևանյան արվարձանի բնակիչները ևս կարող են հպարտությամբ և սիրով փաստել, որ գեղեցիկ ու նկարազարդ են ոչ միայն կենտրոնական փողոցները, այլև համայն Երևանի բոլոր թաղամասերը:
Երևանը համաչափ զարգացող քաղաք է` շնորհիվ քաղաքապետ Տարոն Մարգարյանի որդեգրած հավասարաչափ զարգացում ապահովելու սկզբունքի:
Առաջնորդվելով այս գործելաոճով՝ Նոր Նորք վարչական շրջանի ղեկավար Արմեն Ուլիխանյանի հետևողական աշխատանքի
և ամենօրյա հոգածության արդյունքում օր օրի ծաղկող, գունազարդվող ու բարեկարգվող վարչական շրջանը ևս համալրում է մայրաքաղաք Երևանի հրաշագեղ դիմապատկերը:
Նկարները՝ այստեղ
ՀԵՐԹԱԿԱՆ ԸՆԹԱՑԻԿ ՇԱԲԱԹՕՐՅԱԿԸ ՆՈՐ ՆՈՐՔՈՒՄ 25.08.2012
Նոր Նորք
վարչական շրջանում օգոստոսի 25-ին վաղ առավոտից հերթական ընթացիկ
շաբաթօրյակը աշխատանքային եռուզեռ է ստեղծել ամենուր:
Այս անգամ մաքրման
աշխատանքները կենտրոնացվել են Նոր Նորքի 7-րդ և 9-րդ զանգվածներում:
Շաբաթօրյակի աշխատանքներում ներգրավված են Նոր Նորքի բոլոր ուսումնական և
բժշկական հաստատությունների, ինչպես նաև համատիրությունների ու վարչական
շրջանի ղեկավարի աշխատակազմի տարբեր բաժինների աշխատակիցները:
ԾԱՂԿԱՊԱՏ և ԿԱՆԱՉԱՊԱՏ ՏԱՐԱԾՔՆԵՐԻ ԱՄԵՆՕՐՅԱ ԽՆԱՄՔԸ ՆՈՐ ՆՈՐՔՈՒՄ
Նոր Նորք վարչական շրջանում ամենօրյա հոգատարությամբ և խնամքով մշակվում են կանաչապատ ու ծաղկապատ տարածքները:
Դավիթ Բեկի պողոտան այս տարի Նոր Նորքի բնակիչներին է ներկայանում գեղեցիկ ծաղկային ձևավորմամբ:
2000 քառակուսի մետր երկայնքով ձգվող ծաղկազարդ գեղեցիկ սիզաթումբը թուաների և երփներանգ ծաղիկների գեղեցիկ համադրությամբ գրավում է յուրաքանչյուր անցորդի ուշադրությունը:
ՆՈՐ ՆՍՏԱՐԱՆՆԵՐ ՆՈՐ ՆՈՐՔԻ 2-ՐԴ ԶԱՆԳՎԱԾԻ ԱՅԳՈՒՄ
Նոր Նորքի երկրորդ զանգվածի այգում՝ շատրվանների հարևանությամբ, Երևանի քաղաքապետարանի կողմից տեղադրվեցին նոր, հարմարավետ նստարաններ "Մաքուր պահենք մեր քաղաքը" կարգախոսով:
Նոր Նորքի բնակիչներին մատուցված հերթական նորույթը ակնկալում ենք ոչ միայն գեղեցիկն ու մաքուրը գնահատելու, այլև մեր միջավայրը մաքուր պահելու հոգեբանություն կձևավորի:
ՆԱՎԱՍԱՐԴԸ՝ ՆՈՐ ՏԱՐԻՆ ՆՈՐ ՆՈՐՔՈՒՄ: ԾԻՍԱԿԱՏԱՐՈՒԹՅՈՒՆ ՀԱՅԿ ՆԱՀԱՊԵՏԻ ԱՐՁԱՆԻ ՄՈՏ
Օգոստոսի 11-ին Նոր Նորք վարչական շրջանում տեղակայված Հայկ նահապետի արձանի մոտ կազմակերպվել էր ծիսական գեղեցիկ արարողություն՝ նվիրված մեր զորավոր նախնուն՝ Հայկ դյուցազնին և Հայ Աստվածներին:Ինչպես գիտենք, օգոսոտոսի 11-ին Նավասարդի տոնն է, որը հայերիս կյանքում նշվում էր որպես Նոր Տարի՝ Նոր Կյանքի օր: Այդ օրվա խորհուրդը պայմանավորված է նաև Հայկ Նահապետի՝ Բելի դեմ տարած փառահեղ հաղթանակով, որով սկիզբ դրվեց հայության վերելքի նոր դարաշրջանի: Հայ մշակութային ավանդույթների ակտիվիստները Արագած լեռան գագաթին վառած կրակը բերեցին նախահայր Հայկի արձանի մոտ, որից հետո այն կտարվի տարբեր ուղղություններ:
Կազմակերպված տոնական արարողությանը մասնակցում էին նաև Նոր Նորք վարչական շրջանի մշակույթի կենտրոնի սաները:
Ծիսական արարողության ավարտին ողջույնի խոսքով հանդես եկավ նաև Նոր Նորք վարչական շրջանի ղեկավար Արմեն Ուլիխանյանը:
Շնորհավորելով հայոց խորհրդանշական տոնի՝ Նավասարդի առթիվ՝ վարչական շրջանի ղեկավարը արժևորեց նմանօրինակ ձեռնարկների դերը՝ ավանդույթներին հավատարիմ մնալու և ազգային արժեքները վերաիմաստավորելու տեսանկյունից:
Ազգային–ժողովրդական տոնը պետք է համազգային հնչեղություն ստանա, որպեսզի Հայ Աստվածամարդիկ վերականգնեն իրենց Գենետիկ զորությունները ՝ աշխարհին մեկ անգամ ևս հավաստելով հայարիական ոգու ամրությունը:
Կազմակերպված տոնական արարողությանը մասնակցում էին նաև Նոր Նորք վարչական շրջանի մշակույթի կենտրոնի սաները:
Ծիսական արարողության ավարտին ողջույնի խոսքով հանդես եկավ նաև Նոր Նորք վարչական շրջանի ղեկավար Արմեն Ուլիխանյանը:
Շնորհավորելով հայոց խորհրդանշական տոնի՝ Նավասարդի առթիվ՝ վարչական շրջանի ղեկավարը արժևորեց նմանօրինակ ձեռնարկների դերը՝ ավանդույթներին հավատարիմ մնալու և ազգային արժեքները վերաիմաստավորելու տեսանկյունից:
Ազգային–ժողովրդական տոնը պետք է համազգային հնչեղություն ստանա, որպեսզի Հայ Աստվածամարդիկ վերականգնեն իրենց Գենետիկ զորությունները ՝ աշխարհին մեկ անգամ ևս հավաստելով հայարիական ոգու ամրությունը:
Նկարները՝ այստեղ
Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©
Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©
ԲԱԿԱՅԻՆ ՃԱՄԲԱՐ - ՆՈՐ ՆՈՐՔԻ ԵՐԵԽԱՆԵՐԸ ԿԵՆԴԱՆԱԲԱՆԱԿԱՆ ԱՅԳՈՒՄ 07.08.2012Թ.
ՀՀԿ Նոր Նորքի տարածքային կազմակերպության նախաձեռնությամբ Նոր Նորք
վարչական շրջանում "Ուրախ ամառ 2012" ծրագրով ընթացող բակային ճամբարի
երեխաների համար կազմակերպվում են տարբեր միջոցառումներ և էքսկուրսիաներ:
Ուշագրավ էր նաև այցելությունը Կենդանաբանական
այգի, որտեղ երեխաները գեղեցիկ և հիշարժան օր անցկացրեցին:
Նախաձեռնությունը շարունակական է լինելու, և օրեր շարունակ Նոր Նորքի
բակային ճամբարի բազմաթիվ երեխաներ հնարավորություն կունենան այցելելու
կենդանաբանական այգի և հիանալու բնության հրաշք արարածներով:
ՈՒՐԱԽ ԱՄԱՌ՝ ՆՈՐ ՆՈՐՔԻ 2-ՐԴ ԶԱՆԳՎԱԾ ԹՈԹՈՎԵՆՑ 11/1, 11/3 ՇԵՆՔԵՐԻ ԲԱԿ
ՀՀԿ "Ուրախ ամառ 2012" ծրագրի շրջանակներում՝ Նոր Նորքի 2-րդ զանգվածի Թոթովենց 11/1, 11/3 շենքերի բակում ևս ճամբարային ուրախ միջոցառումը իր շուրջը համախմբեց բազմաթիվ փոքրիկների: ՀՀԿ Նոր Նորքի տարածքային կազմակերպության նախաձեռնությամբ երեխաների համար սիրելի և հարազատ դարձած նկարազարդ բակում հյուրընկալվել էին հեքիաթի հերոսներն ու ուրախ ծաղրածուն:
Գեղեցիկ երաժշտական և պարային կատարումներին հաջորդած հետաքրքիր շոու-ծրագրի ընթացքում մանուկները մասնակցեցին ուրախ խաղ-մրցույթների, զվարճացան ու պարեցին հետաքրքրաշարժ կերպարների հետ:
Միջոցառմանը ներկա էր նաև Նոր Նորք վարչական շրջանի ղեկավար, ՀՀԿ Նոր Նորքի տարածքային կազմակերպության նախագահ Արմեն Ուլիխանյանը: Բակային այսօրինակ միջոցառումները ոչ միայն համախմբում և հաճելի պահեր են պարգևում մանուկներին, այլև դառնում անմոռաց հուշ, որը սիրով կմտաբերեն ողջ կյանքի ընթացքում:
Նկարները՝ այստեղ
ՀԵՐԹԱԿԱՆ ՇԱԲԱԹՕՐՅԱԿԸ՝ ՆՈՐ ՆՈՐՔԻ ԱՌԱՋԻՆ ԶԱՆԳՎԱԾ 4.08.2012Թ.
Նոր Նորք
վարչական շրջանում օգոստոսի 4-ին կազմակերպվեց հերթական ընթացիկ
շաբաթօրյակը, որն այս անգամ ներառում էր Նոր Նորքի առաջին զանգվածը:
Մաքրման աշխատանքներն իրականացվեցին ինչպես պուրակներում և այգիներում,
այնպես էլ բակերում ու միջբակային տարածքներում: Կուտակված աղբի տեղափոխման
համար գործի դրվեց համապատասխան տեխնիկա: Մաքրման աշխատանքներն
իրականացնում էին Նոր Նորքի կանաչապատման և սանիտարական մաքրման
ծառայությունները, վարչական շրջանի ղեկավարի աշխատակազմը՝ հատուկ նշանակված
պատասխանատուների անմիջական վերահսկողությամբ:
Նկարները՝ այստեղ
Նկարները՝ այստեղ
ԲԱԿԱՅԻՆ ՃԱՄԲԱՐ - ՆՈՐ ՆՈՐՔԻ 4-ՐԴ ԶԱՆԳՎԱԾ ԵՎ ՋՐՎԵԺ
ՀՀԿ "Ուրախ ամառ" ծրագրի շրջանակներում Նոր Նորքում օգոստոսի 3-ին կայացավ բակային ճամբարի հերթական սպասված միջոցառումը:
Այս անգամ մասնակիցները Նոր Նորքի 4-րդ զանգվածի և Ջրվեժի բնակիչներն էին:
Միջոցառումն ինչպես միշտ իր շուրջն էր համախմբել բազմաթիվ մանուկների,
ովքեր մեծ ոգևորությամբ մասնակցում էին շոու ծրագրին, խաղերին և վիկտորինաներին: Ճամբարային միջոցառումն ուղեկցվեց երգ ու պարով և ամենակարևորը՝ մանուկների սիրելի ու հարազատ հեքիաթի հերոսների այցելությամբ, որոնց ուղեկցում էր հետաքրքիր ծաղրածուն:
Բակային ճամբարի գեղեցիկ միջոցառման ընթացքին հետևեց նաև Նոր Նորք վարչական շրջանի ղեկավար, ՀՀԿ Նոր Նորքի տարածքային կազմակեպության նախագահ Արմեն Ուլիխանյանը: Մանուկների աչքերում ուրախության փայլն էր, իսկ նրանց պայծառ ժպիտները արդեն իսկ խոսում էին, որ տոնական այս օրը նրանք երբեք չեն մոռանա:
Նկարները՝ այստեղ
Այս անգամ մասնակիցները Նոր Նորքի 4-րդ զանգվածի և Ջրվեժի բնակիչներն էին:
Միջոցառումն ինչպես միշտ իր շուրջն էր համախմբել բազմաթիվ մանուկների,
ովքեր մեծ ոգևորությամբ մասնակցում էին շոու ծրագրին, խաղերին և վիկտորինաներին: Ճամբարային միջոցառումն ուղեկցվեց երգ ու պարով և ամենակարևորը՝ մանուկների սիրելի ու հարազատ հեքիաթի հերոսների այցելությամբ, որոնց ուղեկցում էր հետաքրքիր ծաղրածուն:
Բակային ճամբարի գեղեցիկ միջոցառման ընթացքին հետևեց նաև Նոր Նորք վարչական շրջանի ղեկավար, ՀՀԿ Նոր Նորքի տարածքային կազմակեպության նախագահ Արմեն Ուլիխանյանը: Մանուկների աչքերում ուրախության փայլն էր, իսկ նրանց պայծառ ժպիտները արդեն իսկ խոսում էին, որ տոնական այս օրը նրանք երբեք չեն մոռանա:
Նկարները՝ այստեղ
Подписаться на:
Сообщения (Atom)