Ամանորի և Սուրբ ծննդյան տոների առթիվ Նոր Նորք վարչական շրջանում կազմակերպվել էր համերգային ծրագիր հրավիրված երգիչ-երգչուհիների և պարային խմբերի մասնակցությամբ: Հանդիսատեսին գեղեցիկ կատարումներով բարձր տրամադրություն հաղորդեցին Արայիկ Համբարձումյանը, Կարինե Գևորգյանը, Նարեկ Վարդանյանը, Սյուզաննա Հարությունյանը, Արման Սիմոնյանը, Տաթև Սուսունյանը, Սերգեյ Գրիգորյանը և «Էմբոլադա» պարային համույթը, իսկ տոնական ծրագիրը վարեց ռադիոհաղորդավարուհի Անկան: Երեխաներին իրենց ներկայությամբ ոգևորեցին հրավիրված հեքիաթի հերոսները, ինչպես նաև օրվա սիրելի ու սպասված հյուրերը՝ Ձմեռ Պապն ու Ձյունանուշը: Տոնական միջոցառումն ավարտվեց շքեղ հրավառությամբ: Նկարները՝ այստեղ
Գիտության, ուսանողության և երիտասարդության օրվան նվիրված՝ Նոր Նորք վարչական շրջանի և «Վերածննդի երիտասարդներ» բարեգործական հիմնադրամի համատեղ նախաձեռնությամբ կազմակերպվել էր համերգային ծրագիր՝ «ՎԵՀ-ը և ընկերները» խորագրով: Միջոցառումը մեկնարկեց «Գիտությունը՝ խաղաղության երաշխիք» ցուցահանդեսով, որտեղ ներկայացված էին Նոր Նորքի հ. 198 դպրոցի դասարանների կողմից պատրաստած ուշագրավ նյութեր՝ գիտության արդի զարգացումներին ուղղված բովանդակությամբ: Համերգային ծրագրի սկզբում ներկաները 1 րոպե լռությամբ հարգանքի տուրք մատուցեցին վերջին օրերին ադրբեջանական բանակի կողմից խոցված, խաղաղ պայմաններում զորավարժություններ անցկացնող մեր ուղղաթիռի անձնակազմի հիշատակին: Միջոցառմանը ներկա էին Նոր Նորքի ավագ դպրոցների և քոլեջների ուսանողներ, ինչպես նաև ներկայացուցիչներ Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնից: Ներկաներին իրենց գեղեցիկ կատարումներով շնորհավորեցին և տոնական տրամադրություն հաղորդեցին սիրված երգիչ-երգչուհիները. համերգային ծրագիրը վարում էր «Էլ-Մար» կինոստուդիայի հիմնադիր, տաղանդավոր դերասան Արմեն Դալլաքյանը, ով հանդիսատեսին ներկայացավ նաև երաժշտական գեղեցիկ կատարմամբ: Երգերով հանդես եկան Պաշ Սարդանը, Սյուզի Մովսեսյանը, Գուժ Դուրգարյանը, Սոնա Գյուլխասյանը, Ռոբ Ավալյանը, Տաթև Սուսունյանը, Ալբերտ Ղազարյանը, Անահիտ Շահբազյանը, Վլադիմիր Պողոսյանը, Կարինե Գևորգյանը, Վիգեն Ահարոնյանը, Դիանա Հովակիմյանը, Արմեն Հովհաննիսյանը և «Էլ-Մար» կինոստուդիայի սաները: Միջոցառման ավարտին ողջույնի խոսքով հանդես եկավ նաև ՎԵՀ-ի նախագահ Մայ Անուշավանյանը՝ շնորհակալություն հայտնելով Նոր Նորք վարչական շրջանին՝ ի դեմս ղեկավար Արմեն Ուլիխանյանի, և նախաձեռնությանը միացած բոլոր արտիստներին՝ գիտության, ուսանողության և երիտասարդության օրը համատեղ ջանքերով տոնի վերածելու համար: Նկարները այստեղ
Նոյեմբերի 7-ին "Դինամո" մարզադահլիճում կայացավ ԽՍՀՄ վաստակավոր մարզիչ Ռուդոլֆ Կարապետյանի և ԽՍՀՄ միջազգային կարգի սպորտի վարպետ Եղիշե Կարապետյանի անվան ազատ ոճի ըմբշամարտի միջազգային վեցերորդ հուշամրցաշարը, որը նախաձեռնել ու իրականացնում էին Երևանի քաղաքապետարանը և Նոր Նորք վարչական շրջանի Ռ. Կարապետյանի անվան համալիր մարզադպրոցը: Հուշամրցաշարի կազմակերպման աջակիցներն էին «Աշխատանքային ռեզերվներ» մարզական կազմակերպությունը, ՀՀ ըմբշամարտի ֆեդերացիան, «Երևանի սպորտ կոմիտեն», Ռուդոլֆ Կարապետյանի սաներն ու Եղիշ Կարապետյանի ընկերները: Մրցաշարին մասնակցում էին ավելի քան 300 ըմբիշներ տարբեր երկրներից, այդ թվում՝ Ռուսաստանից, Իրանից, Վրաստանից, ինչպես նաև Հայաստանի մարզերից և Երևան քաղաքի վարչական շրջաններից: Հուշամրցաշարի բացման հանդիսավոր արարողությանն իրենց երաժշտական ու պարային ողջույնն էին բերել Նոր Նորք վարչական շրջանի մշակույթի կենտրոնի Վահագն դհոլահարների անսամբլը և Երևանի քաղաքապետարանի գեղարվեստական մարմնամարզության դպրոցի մարզուհիները: Մրցաշարին ներկա էին Երևանի քաղաքապետարանի սպորտի և երիտասարդության հարցերի բաժնի պետ Յուրա Մամիկոնյանը, Հայաստանի ըմբշամարտի ֆեդերացիայի փոխնախագահ Հրանտ Ենոքյանը, «Հայաստան» մարզական միության նախագահ Ռազմիկ Ստեփանյանը, ՀՀ ԱԺ պատգամավոր Բազմասեր Առաքելյանը, ՀՀ ազատ ոճի ըմբշամարտի հավաքականի գլխավոր մարզիչ Արայիկ Բաղդատյանը, ՀՀ սպորտի եւ երիտասարդության հարցերի նախարարության մենապայքարային մարզաձեւերը համակարգող բաժնի պետ Լևոն Վարդանյանը, ԵրՖԿԻ դեկան Հոմբերտ Գալստյանը, «Երևանի սպորտ կոմիտե» ՀՈԱԿ–ի փոխտնօրեն Զավեն Օհանյանը, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչներ և այլ հյուրեր: Հուշամրցաշարի շրջանակներում դիպլոմներ և մեդալներ շնորհվեցին հուշամրցաշարի կազմակերպմանն ու անցկացմանն աջակցողներին, այդ թվում՝ Երևանի Նոր Նորք վարչական շրջանին: Ավանդական հուշամրցաշարը բարձր մակարդակով կազմակերպելու համար Ռ. Կարապետյանի անվան համալիր մարզադպրոցը արժանացավ Նոր Նորք վարչական շրջանի ղեկավարի պատվոգրին և հուշանվերին: Մրցումներն իրականացվեցին սահմանված կարգի համաձայն. հաղթանակած մարզիկներին համապատասխանաբար շնորհվեցին բրոնզե, արծաթե և ոսկե մեդալներ, իսկ առաջին տեղերը զբաղեցրած ըմբիշներն արժանացան հատուկ մրցանակների: Նկարները՝ այստեղ
Հայաստանի Հանրապետական Կուսակցության Նոր Նորք տ/կ կենտրոնական գրասենյակում այսօր կայացավ խորհրդի հերթական նիստը, որը վարեց ՀՀԿ գործադիր մարմնի անդամ, Երևանի քաղաքապետ Տարոն Մարգարյանը: Նախքան աշխատանքային օրակարգին անցնելը՝ Հայաստանի հանրապետական կուսակցության շարքերը համալրած նոր անդամներին վկայականներ հանձնվեցին: Շնորհավորելով կուսակցության շարքերը նոր համալրած անձանց՝ Տարոն Մարգարյանը մաղթեց կանաչ ճանապարհ և կուսակցական ակտիվ գործունեություն՝ ի նպաստ երկրի բարօրության: Հանդիսավոր արարողությանը հաջորդած խորհրդի նիստի ընթացքում քննարկվեցին կազմակերպչական տարաբնույթ հարցեր, առաջիկա անելիքների վերաբերյալ մշակվեցին հստակ ծրագրեր: Նկարները՝ այստեղ
Հոկտեմբերի 23-ին ՀՀ ԱԺ փոխնախագահ Հերմինե Նաղդալյանի գլխավորությամբ Նոր Նորք վարչական շրջանում էր հյուրընկալվել Չինաստանի պատվիրակությունը: Ձևավորված համագործակցության նպատակն է հասարակական կյանքում կնոջ դերի բարձրացմանն ուղղված համատեղ ծրագրերի մշակումն ու իրագործումը: Նոր Նորք վարչական շրջանի ղեկավար Արմեն Ուլիխանյանը, ողջունելով նախաձեռնության նպատակը, կարևորեց այն հատկապես հայ-չինական բարեկամության ամրապնդման առումով: Հանդիպման ընթացքում Նոր Նորքի կանանց խորհրդի նախագահ Ա. Հարությունյանը ներկայացրեց հայ կնոջ մեծ դերը կրթամշակութային կյանքում, առողջապահության ոլորտում և գործարար միջավայրում: Երկրի համակարգային առանձնահատկությունների վերաբերյալ արտահայտվեցին նաև Չինաստանից ժամանած հյուրերը՝ հավելելով, որ նմանօրինակ փոխայցելությունները լինելու են շարունակական: Նոր Նորքում հյուրերի համար գեղեցիկ անակնկալ էր նախատեսված՝ ձեռարվեստի աշխատանքների ցուցահանդես, մշակութային ծրագիր և այցելություն Նոր Նորքի «Սուրբ Գրիգոր Լուսավորիչ» ԲԿ-ի ծննդատուն: Ճանաչողական այցելությունները համագործակցության համատեղ եզրերի մշակման արդյունավետ հիմքեր ստեղծեցին: Նկարները՝ այստեղ
Նոր Նորք վարչական շրջանում այսօր ամփոփվեցին հոկտեմբերի 17-ից մեկնարկած Հայաստանի հրաձգության ֆեդերացիայի նախագահ Արթուր Հովհաննիսյանի գավաթի խաղարկության արդյունքները: Մրցաշարին մասնակցում էին 56 ուժեղագույն մարզիկներ Հրաձգության հանրապետական մարզադպրոցից, Երևանի հրաձգության մանկապատանեկան մարզադպրոցից, Գյումրու քաղաքապետարանի հրաձգության դպրոցից: Մարզիկներին պարգևատրելու հանդիսավոր արարողությանը ներկա էին նաև Նոր Նորք վարչական շրջանի ղեկավար Արմեն Ուլիխանյանը և աշխատակազմի ներկայացուցիչները: Երիտասարդների օլիմպիական խաղերին և աշխարհի առաջնությանը հրաձգություն մարզաձևում մրցանակային տեղեր և բարձր արդյունքներ գրանցելու համար նորնորքցի մարզիկներ Հրաչիկ Բաբայանը, Լիլիթ Մկրտչյանը, Ռազմիկ Մինասյանը, Շանթ Սարգսյանը պարգևատրվեցին Նոր Նորք վարչական շրջանի ղեկավարի պատվոգրով և հուշանվերներով: Հայաստանի հրաձգության ֆեդերացիայի նախագահ Արթուր Հովհաննիսյանի կողմից շնորհակալագրերով և գավաթներով պարգևատրվեցին մրցանակային տեղեր զբաղեցրած մարզիկների մարզիչները, ովքեր իրենց անուրանալի ավանդն ունեն սաների հաղթանակի նվաճման գործում: Հրաձգության հայկական դպրոցը դեռևս Խորհրդային Միության ժամանակներից միշտ էլ բարձր վարկանիշ և լավ ավանդույթներ է ունեցել: Այսօր էլ մեզ համար ռազմավարական նշանակություն ունեցող մարզաձևը վերածնունդ է ապրում, որի արդյունքներն արդեն իսկ տեսանելի են: Նկարները՝ այստեղ
Սիրելի ուսուցիչներ, Խորին հարգանքով ու երախտագիտությամբ շնորհավորում եմ ձեզ, ձեր մասնագիտական տոնի՝ Ուսուցչի օրվա կապակցությամբ: Հայ մարդու համար ուսուցիչ լինելը միայն մասնագիտություն չէ, այլև՝ կոչում. ուսումնատենչ և գիտելիքներով հարուստ մեր ժողովուրդը միշտ էլ առանձնահատուկ սեր ու հարգանք է տածել դեպի ուսուցիչը, մեծարել նրա առաքելությունն ու շնորհակալ վաստակը: Ձեր սերմանած ոգեղեն լույսի զորությամբ է կերտվում 21-րդ դարի հայ մարդու նկարագիրը: Շնորհակալություն բոլորիդ ձեր ազգանվեր աշխատանքի համար: Շնորհավո՛ր տոնդ, Ուսուցիչ: Հարգանքով՝ Ա. Ուլիխանյան
Սիրելի հայրենակիցներ, ավագ սերնդի հարգելի ներկայացուցիչներ, Ջերմորեն շնորհավորում եմ Տարեցների միջազգային օրվա առթիվ: Հայերս աշխարհի այն ազգերից ենք, որ բացառիկ հարգանքով ու ակնածանքով ենք արժևորում մեր մեծերին, սերտում նրանց ապրած կյանքի դասերն ու հետևում խորհուրդներին: Այսօր լավագույն առիթ է՝ մեկ անգամ ևս հայտնելու մեր սերն ու երախտագիտությունը ձեր հանդեպ: Իմաստության հասակով մեր ավագների ներկայությունը վստահություն և ուժ է տալիս մեզ, ուղղորդում դեպի կատարյալը: Մաղթում եմ ձեզ քաջառողջություն, սիրով ու հոգատարությամբ շրջապատված երկար տարիների կյանք:
Նորք-Մարաշի օրվան նվիրված տոնական մեծ հանդիսությանը այս տարի միացել էին նաև Երևանի վարչական շրջանները: Ամենամյա ավանդույթի վերածված Վերածննդի տոնակատարությունը Սուրբ Աստվածածին եկեղեցու բակում էր համախմբել բազմաթիվ մարաշցիների և հյուրերի: Տոնին Նորք-Մարաշ վարչական շրջանի ղեկավար Վարազդատ
Մկրտչյանի հետ մասնակցում էին նաև Երևանի քաղաքապետարանի աշխատակազմի
քարտուղար Սերգեյ Մակարյանն ու Երևանի քաղաքապետի գլխավոր խորհրդական Վանո
Վարդանյանը: Նոր Նորք վարչական շրջանը Նորք Մարաշին շնորհավորելու էր
եկել մշակութային ծրագրով. երաժշտական գեղեցիկ ողջույնով ներկաներին
շնորհավորեցին Կարինե Գևորգյանը և Տաթև Սուսունյանը, իսկ պարային կատարմամբ
հանդես եկավ «Ջի Էմ Մաքս» պարային համույթը: Տոնի համատեքստում
կազմակերպվել էր նաև ծագումով պատմական Մարաշից սիրիահայ մեր
հայրենակիցների ձեռագործ աշխատանքների ցուցահանդես–վաճառք և Մարաշի
կերակրատեսակների ավանդական բացօթյա հյուրասիրություն: Նկարները՝ այստեղ
Երևանի Նոր Նորք վարչական շրջանի և Կանադայի Տորոնտո քաղաքի միջև ձևավորված համագործակցությունն արդեն տարիների պատմություն ունի: Բարեկամության ավանդույթները նոր հարթություն տեղափոխելու նպատակով Նոր Նորք վարչական շրջանում էր Կանադայում ՀՀ սփյուռքի նախարարի խորհրդական Խորեն Մարդոյանի գլխավորած պատվիրակությունը, որի կազմում էր նաև Կանադայի թեմական խորհրդի անդամ, Կանադայի Տորոնտո քաղաքի Սուրբ երրորդություն հայ առաքելական եկեղեցու ծխական խորհրդի ատենապետ Օհան Օհաննեսյանը: Նոր Նորք վարչական շրջանի ղեկավար Արմեն Ուլիխանյանը կայացած հանդիպման ընթացքում կարևորեց նմանօրինակ նախաձեռնությունների դերը՝ հայրենիք-սփյուռք հարաբերությունների ամրապնդման և երկկողմանի այցելություններով մշակութային արժեքների հարստացման առումով: Սուրբ երրորդություն հայ առաքելական եկեղեցու ծխական խորհրդի ատենապետ Օհան Օհաննեսյանը, ներկայացնելով խորհրդի հանձնախմբերի գործունեությունը, ցանկություն հայտնեց շարունակելու առկա բարեկամությունը՝ ամրագրելով այն մշակութային խմբերի փոխայցելություններով: Հյուրերը եղան նաև Նոր Նորքի մշակույթի կենտրոնում, որտեղ նրանց հաճելի անակնկալ մատուցվեց կենտրոնի գեղարվեստական խմբերի կողմից: Նոր Նորքի և Տորոնտոյի միջև հաստատված բարեկամության առաջին հիմնաքարը վարչական շրջանի 7-րդ զանգվածի հայ-կանադական պուրակն է, որտեղ առաջիկայում կիրականացվեն բարեկարգման և ծառատնկման աշխատանքներ: Նկարները՝ այստեղ
Նոր Նորք վարչական շրջանի հ. 101 մանկապարտեզում անկախության տոնի առթիվ կազմակերպվել էր ուսուցողական գեղեցիկ միջոցառում, որին ներկա էին նաև վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները: Մանուկները համակողմանի գիտելիքներ դրսևորեցին ՀՀ անկախության տոնի և նրա նշանակության վերաբերյալ, ցուցաբերեցին հայրենասիրական որակներ, երգի, պարի ու ասմունքի միջոցով արտահայտեցին իրենց սերը հայրենիքի նկատմամբ: Նկարները՝ այստեղ
Նոր Նորք վարչական շրջանի ուսումնական
հաստատություններում ՀՀ Անկախության տոնի առթիվ կազմակերպվել էին
տարաբնույթ, բովանդակալից միջոցառումներ, որոնք միտված են մանուկների մեջ
սերմանելու, որ իրենք ազատ, անկախ երկրի քաղաքացի են:
Տոնակատարությունները վերստին առիթ են արժևորելու մեր երկրի 23-ամյա
անկախության իրողությունը, որը մեզ հպարտության և լիարժեքության զգացումով է
համակում: Նկարները՝ այստեղ
Նոր Նորք վարչական շրջանում գործող <<Նորաստղ>> հաշմանդամ երեխաների ծնողների միությունը <<Հույսի կամուրջ>> հասարակական կազմակերպության ֆինանսավորմամբ և Նոր Նորք վարչական շրջանի ղեկավար Արմեն Ուլիխանյանի աջակցությամբ վարչական շրջանի ղեկավարի աշխատակազմի վարչական շենքի դահլիճում կազմակերպել էր սեմինար` <<Հաշմանդամություն ունեցող անձանց իրազեկում իրավունքի և շահերի պաշտպանության մասին>> թեմայով: Բացման խոսքով ներկայացավ ծրագրի ղեկավար`Նորա Կարապետյանը` ընդգծելով թեմայի արդիականությունն ու կարևորությունը: Նոր Նորք վարչական շրջանի ղեկավարի աշխատակազմի իրավաբանական բաժնի առաջատար մասնագետ Քրիստինե Նշանյանի կողմից ներկայացվեց մարդու իրավունքների հասկացությունը և պաշտպանության եղանակները` ըստ <Երեխայի իրավունքների մասին> ՀՀ օրենքի և <Երեխայի իրավունքների մասին> կոնվենցիայի: Սեմինարին զուգահեռ կազմակերպվել էր նաև ցուցահանդես, որտեղ ներկայացվել էին <<Նորաստղ>> հաշմանդամ երեխաների ծնողների միության սաների ձեռքի աշխատանքները: Նկարները՝ այստեղ
Երևանի քաղաքապետ Տարոն Մարգարյանի հանձնարարությամբ մայրաքաղաքի նախադպրոցական ուսումնական հաստատություններում սննդի անվտանգության, սննդակարգի, սանիտարահիգիենիկ պայմանների, երեխաների հաճախելիության, ինչպես նաև ուսումնադաստիարակչական աշխատանքների որակի ուղղությամբ սահմանված է խիստ վերահսկողություն: Սննդի կազմակերպումը որակի բոլոր չափորոշիչներին համապատասխանեցնելուն միտված Նոր Նորք վարչական շրջանում հրավիրվել էր խորհրդակցություն մանկապարտեզների տնօրենների, տնտեսվարների, սննդի մատակարար կազմակերպությունների ղեկավարների, աշխատակազմի կրթության բաժնի նախադպրոցական մասնագետների մասնակցությամբ: Խորհրդակցությունը վարեցին Նոր Նորք վարչական շրջանի ղեկավարի տեղակալ Արմեն Ալավերդյանը և աշխատակազմի կրթության, մշակույթի և սպորտի բաժնի պետ Հեղինե Կարապետյանը: Մատակարար կազմակերպությունների ներկայացուցիչներին և մանկապարտեզների տնօրեններին կրկին զգուշացվեց սննդի որակի հարցում լինել չափազանց ուշադիր` խստագույնս պահպանելով տեխնիկական բնութագրի պահանջները: Առկա հարցերի և խնդիրների կարգավորման ուղղությամբ կառուցողական առաջարկներ ներկայացվեցին.Արմեն Ալավերդյանը նաև հավելեց, որ վարչական շրջանի ղեկավար Արմեն Ուլիխանյանի հանձնարարությամբ Նոր Նորքի մանկապարտեզներում շարունակաբար իրականացվող ուսումնասիրությունները պարբերական բնույթ կկրեն ողջ ուսումնական տարվա ընթացքում: Նկարները՝ այստեղ
Նոր Նորք վարչական շրջանի հ. 109 մանկապարտեզում ՀՀ Անկախության տոնի կապակցությամբ կազմակերպվել էր թեմատիկ մեծ միջոցառում, որտեղ իրենց մասնակցությունն էին բերել մանկապարտեզի գրեթե բոլոր սաները: Տոնական ծրագիրը հագեցած էր ինչպես պարային երաժշտական կատարումներով, այնպես էլ` ցուցադրական գեղեցիկ ներկայացումներով: Միջոցառման ավարտին աղավնիներ և եռագույն փուչիկներ բաց թողնվեցին դեպի երկինք՝ խորհրդանշելով լուսավոր գալիքի հանդեպ հայոց հավատն ու լավատեսությունը: Նկարները՝ այստեղ
Հարգելի հայրենակիցներ Սրտանց շնորհավորում եմ բոլորիս Հայաստանի Հանրապետության գլխավոր տոնի՝ Անկախության օրվա առթիվ։ Անկախության նվաճումը հայերիս դարավոր, սրբազան երազանքն էր, որը կյանքի կոչվեց պայքարի, դժվարությունների, նաև համախմբվածության ու նվիրումի շնորհիվ: Այսօր մենք կարևոր առաքելություն ունենք՝ անմնացորդ նվիրումով նպաստել հայոց հանրապետության՝ Հայաստան աշխարհի հզորացմանը, զարգացմանն ու շենացմանը։ Կրկին շնորհավորում եմ բոլորիս անկախության 23-րդ տարեդարձի առթիվ՝ մաղթելով խաղաղ ու ստեղծագործ կյանք:
<<Նորաստղ>> հաշմանդամ երեխաների ծնողների հասարակական կազմակերպությունը հիմնադրվել
է 1998թ.:
Միության առաքելությունն է հաշմանդամ երեխաներին
դարձնել հասարակության լիիրավ անդամ՝ ցուցաբերելով անհատական մոտեցում յուրաքանչյուր երեխայի:
Միության ծրագրերը իրականացվում են ընդգրկելով գործունեության հետևյալ
ոլորտները.
առողջության բարելավում
կրթության ապահովում
իրավունքների պաշտպանություն
ընտանիքների սոց. վիճակի բարելավում
Միությունում կան անդամագրված 120երեխա՝ տարբեր առողջական խնդիրներով, ինչպես նաև
երկկողմանի և միակողմանի ծնողազուրկ, ազատամարտիկի և սոց. ծայրահեղ աստիճան
անապահով ընտանիքների երեխաներ:
Նորաստղի նախագահ է Ն. Կարապետյանը:
Հայտնում ենք, որ <<Նորաստղ>> ՀԵԾ ՀԿ-ն իրականացնում
է<<ՆորՆորք վարչական շրջանում հաշմանդամություն ունեցող անձանց իրազեկում իրավունքների և շահերի
պաշտպանության մասին>> թեմայով ծրագիր,որը տեղի կունենա սեպտեմբերի 18 -ին ՆորՆորքի 8-րդ զանգվածի հ. 118 մանկապարտեզի
շենքում:
Ցանկացողները կարող են տեղեկանալ՝ այցելելով<<Նորաստղ>> ՀԵԾ ՀԿ կամ՝ զանգահարել (095) 75 50 31 (094)
66 39 59 հեռախոսահամարներով:
Սիրելի՛ աշակերտներ, ուսուցիչներ և ծնողներ, Շնորհավորում եմ ձեզ Գիտելիքի օրվա և ուսումնական տարվա մեկնարկի առթիվ: Հայության կյանքում այսօր կրկին բացվեց գիտության արշալույսը՝ իր հետ բերելով նոր հույսեր, իմաստավորելով մեր վաղվա օրը: Գիտելիքի և կրթության հանդեպ հայերիս ձգտումը ազգային բնավորություն է, որով դարերից եկող մեր ժողովուրդը դիմակայել է ժամանակների մարտահրավերներին: Հազարավոր մանուկների համար այսօր սկսվում է մի նոր ճանապարհ, որը լի է բացահայտումներով ու հրաշքներով: Իմացության այս տաճարի ներքո դուք, սիրելի աշակերտներ, պետք է ձգտեք սերտել կյանքի այն կարևոր դասերը, որոնք ձեր առաջ կբացեն կայանալու, հաջողության ու նվաճումների բազում դռներ: Մաշտոցյան դպրության լավագույն ավանդույթներին հավատարիմ՝ այսօր էլ հայերիս համար գիտելիքը մեր արժեքային համակարգի հարատևության և հզորության գրավականն է: Ձեր ստացած գիտելիքների որակից է կախված մեր երկրի, մեր սիրելի Երևանի և հարազատ Նոր Նորքի վաղվա օրը: Հարգելի՛ մանկավարժներ, բարձր գնահատելով Ձեր ներդրումը մեր կրթահամակարգի զարգացման և գրագետ սերունդ դաստիարակելու գործում, համոզված եմ, որ քաղաքացիական մեծ պատասխանատվությամբ կներդնեք բոլոր ջանքերն ու կարողությունները՝ ի նպաստ նոր սերնդի կրթության դժվարին աշխատանքի: Կրկին շնորհավորում եմ բոլորիդ և մաղթում արգասաբեր ուսումնական տարի:
Սուրբ Աստվածածնի Վերափոխման տոնի`
Խաղողօրհնեքի կապակցությամբ Նոր Նորք վարչական շրջանի Սուրբ Սարգիս
եկեղեցու բակում Նոր Նորք վարչական շրջանի մշակութային հիմնարկների
ձեռարվեստի, նկարչական և կարվինգի խմբերի շնորհալի սաների մասնակցությամբ
կազմակերպվել էր ցուցադրություն տոնի խորհրդին համահունչ բովանդակությամբ:
Ցուցահանդեսի մասնակիցներին ողջունեց և օրհնության խոսք հղեց Նոր Նորք
համայնքի հոգևոր հովիվ տեր Նորայր քահանա Բաղդասարյանը՝ մաղթելով հոգու
ամրություն, իսկ հայոց աշխարհին՝ խաղաղություն, առատություն ու
բերրիություն: Նկարները՝ այստեղ
Հին Հայաստանում Նավասարդի 1-ը, այսինքն` օգոստոսի 11-ը, նշվել է
համազգային տոնակատարությամբ, որպես Նոր տարի կամ նոր կյանքի օր: Տոնի
խորհուրդը պայմանավորված է Հայկ Նահապետի՝ Բելի դեմ տարած փառահեղ
հաղթանակով, որով սկիզբ դրվեց հայության վերելքի նոր դարաշրջանի: Ավանդական
դարձած միջոցառումը արդեն 6-րդ տարին է մեծ շուքով ուրույն դրսևորում է
գտնում՝ իր շուրջը համախմբելով բազմաթիվ մարդկանց և ուխտավորների: Այս տարի
ևս «Սերունդ Հայապահպան միավորման», «Արորդաց Ուխտ» կազմակերպության և Նոր
Նորք վարչական շրջանի համատեղ նախաձեռնությամբ Հայկի արձանի տարածքում
կազմակերպվել էր տոնական գեղեցիկ արարողություն: Միջոցառումը մեկնարկեց
Հայկ նահապետի հուշարձանի մոտ պատվո պսակադրման արարողությամբ, այնուհետև
արորդաց ուխտավորների կողմից բերվեց Արագած սուրբ լեռան գագաթին վառված
նավասարդյան ջահը, որն ազդարարում է հայոց աշխարհի մեծ պայքարի
շարունակությունը: Ողջույնի խոսքում «Սերունդ» հայապահպան միավորման
նախագահ Հայկ Չոբանյանը ընդգծեց, որ այս տոնը մեր ազգային ներուժի
արժևորումն է, որով պետք է պայքարենք մեր արժեքների պահպանման և նոր
աշխարհում հայեցի դրսևորվելու առումով: Պատմաբան Արտակ Մովսիսյանը ևս
գնահատեց տոնի խորհուրդը, քանի որ համայն հայության համար Հայկ նահապետը
հայոց ազգային միասնության գլխավոր և անխաթար խորհրդանիշն է: Արարողության
ընթացքում ներկաներին բաժանվեցին Նավասարդի կապակցությամբ հատուկ թողարկված
Տիգրան Մեծի պատկերով գեղեցիկ պաստառներ: Տոնի բովանդակությունն
ամբողջացրեցին ազգային երգի ու դհոլների խրոխտ հնչյունները, որոնք Նոր
Նորքի բարձունքից հայկյան վեհությամբ ու արիությամբ զորացած տարածվեցին
հայոց աշխարհում՝ հաստատելով Նավասարդի՝ ուժականության և զորության
խորհուրդը: Նկարները՝ այստեղ
Երևանի քաղաքապետ Տարոն Մարգարյանի
նախաձեռնությամբ արդեն ավանդական դարձած «Երևանյան ամառ» միջացռումները այս
տարի ևս Նոր Նորքում իրենց շուրջն են համախմբում հազարավոր մանուկների:
Նոր Նորք վարչական շրջանի ղեկավար Արմեն Ուլիխանյանի աջակցությամբ
իրականացվող «Ուրախ Նոր Նորք» խորագրով բակային միջոցառումները ևս
համալրում են այս գեղեցիկ նախագիծը: Բոլոր զանգվածների բակերում իրականցվող մշակութային և կրկեսային զվարճալի շոու-ծագրերից հերթականը Նոր Նորքի 1-ին զանգվածում էր:
Հրավիրված հերոսների և աճպարարի մասնակցությամբ կազմակերպված միջոցառումը
ժպիտների իսկական աստղաբույլ էր ստեղծել տոնական ձևավորված բակում՝
ներկաներին համակելով բարձր տրամադրությամբ: Օրվա ամփոփիչ ակորդը փուչիկների և փայլերի հրավառությունն էր, որին հաջորդեց մանկական ուրախ դիսկոտեկը: Նկարները՝ այստեղ
«Երևանյան ամառ» ծրագրի շրջանակներում
Նոր Նորք վարչական շրջանի Վերածննդի այգում այսօր կազմակերպվել էր «Ես հայ
եմ» խորագրով միջոցառում, որտեղ իրենց հայեցի կատարումներով, ձեռքի
շնորհներով ու հայկական հյուրասիրությամբ ներկայանում էր Նոր Նորքի
մշակույթի կենտրոնի մանկավարժական ու աշակերտական կազմը: Տոնական
ծրագրին դհոլների խրոխտ հնչուններով ազգային ռիթմեր ու շունչ հաղորդեց
«Վահագն» դհոլահարների անսամբլը. երգ, պար, ասմունք, հայկական
մանրանկարչության մոտիվներով մետաքսի վրա նկարված զարդանախշեր, ձեռարվեստի
ուշագրավ աշխատանքներ, որոնք յուրօրինակ ոճ ու մոտեցում էին հաղորդում մեր
ազգային խորհրդանիշերին: Միջոցառման վայրը ևս պատահական չէր ընտրված.
Վերածննդի զբոսայգում ասես հայեցին ու հայկականը նորովի էին դրսևորվել:
Դարերից եկած հայոց մշակույթի ծաղկումը պետք է ամուր արմատներ ձգի
սերունդների ոգում՝ պահպանելով հայի դեմքն ու ազգային տեսակը: Նկարները՝ այստեղ
Երևան քաղաքի երաժշտական և արվեստի
դպրոցների 7-րդ մրցույթ-փառատոնի արդյունքներով լավագույնը ճանաչված
տասնյակը ամփոփիչ գալա-համերգում պարգևատրվել է Երևանի քաղաքապետի
պատվոգրերով և մրցույթի խորհրդանշական մրցանակներով։ Երևանի քաղաքապետի
անունից հաղթողներին շնորհավորել և պատվոգրերը հանձնել են Երևանի
քաղաքապետի տեղակալ Արամ Սուքիասյանը և քաղաքապետարանի աշխատակազմի
մշակույթի և տուրիզմի վարչության պետ Կամո Մովսեսյանը։ Երևանի քաղաքապետի
պատվոգրով է պարգևատրվել նաև մրցույթ-փառատոնի՝ ավանդական դարձած «Տարվա
հայտնություն» անվանակարգին արժանացած Ս. Ասլամազյանի անվան երաժշտական
դպրոցի սան Խաչիկ Անդրեասյանը։ Նկարները՝ այստեղ
Նոր Նորք վարչական շրջանի 8-րդ զանգվածի
Արծիվ հուշարձանի հարակից հրապարակում այսօր կազմակերպվել էր "Ուրախ Նոր
Նորք" խորագրով բակային ճամբարի հերթական միջոցառումը: Նոր Նորքի
մշակույթի կենտրոնի պարախմբերի և անհատ կատարողների մասնակցությամբ ինչպես
նաև հրավիրված հեքիաթային հերոսների ու խաղավարի ուշագրավ ծրագրով բակային
ճամբարի միջոցառումը վերածվեց իսկական տոնի՝ բարձր տրամադրությամբ
համակելով ներկաներին: Նկարները՝ այստեղ
Երևանի քաղաքապետի հանձնարարությամբ
մայրաքաղաքում շարունակվող "Երևանյան ամառ" ծրագրի միջոցառումներն աշխույժ
ընթացքի մեջ են նաև Նոր Նորքում. այս շրջանակներում իրականացվող "Ուրախ Նոր
Նորք" խորագրով բակային ճամբարների միջոցառումների մեկնարկը տրվեց
երկրորդ զանգվածի Թոթովենցի հասցեում գտնվող բակից, որն ի դեպ 2013թ.-ին
արժանացավ նախագահի մրցանակին, որպես լավագույն բակ: Իրենց գեղեցիկ
կատարումներով ճամբարականներին և նորնորքցի երեխաներին ողջունեցին
մշակույթի կենտրոնի գեղարվեստական խմբերն ու պարային համույթները, Նոր
Նորքի ճամբարներից ընտրված շնորհալի երեխաները, ինչպես նաև հրավիրված
հեքիաթի հերոսներն ու ծաղրածուն: Միջոցառմանը ներկա էին նաև Նոր Նորք
վարչական շրջանի ղեկավար Արմեն Ուլիխանյանը և Երևանի քաղաքապետարանի
աշխատակազմի ընտանիքի, կանանց և երեխաների իրավունքների պաշտպանության
բաժնի պետ Իդա Խաչատրյանը: Միջոցառումն ուղեկցվեց նաև Նոր Նորքի
արտադպրոցական հիմնարկներից ընտրված սաների շախմատի բացօթյա մրցմամբ: Նկարները՝ այստեղ
Նոր Նորք վարչական շրջանից հուլիսի 9-ին
Ծաղկաձորի «Աղբյուր» ճամբար 20-օրյա հանգստի մեկնեց ՀՀ կառավարության
«Դպրոցականների ամառային հանգստի կազմակերպում» ծրագրի շահառու
դպրոցականների երկրորդ հերթափոխը ՝ 35 երեխա։ Երեխաներին ճանապարհեցին
Նոր Նորք վարչական շրջանի ղեկավար Արմեն Ուլիխանյանը և քաղաքապետարանի
աշխատակազմի հանրակրթության բաժնի պետ Գայանե Սողոմոնյանը: Երեխաներին
բարի ճանապարհ մաղթելով՝ Նոր Նորք վարչական շրջանի ղեկավար Արմեն
Ուլիխանյանը նվիրեց նրանց շապիկներ, գլխարկներ և խաղեր. Երեխաներին
Ծաղկաձորի «Աղբյուր» ճամբար ուղեկցեցին Երևանի ճանապարհային ոստիկանության
աշխատակիցներն ու 3 բժիշկ: Ի դեպ ճամբարներում ևս սահմանված է բժիշկների շուրջօրյա հերթապահություն։
Երեխաներին ճանապարհելու էին եկել նաև Նոր Նորք վարչական շրջանի ղեկավարի
աշխատակազմի կրթության, մշակույթի, սպորտի, ինչպես նաև սոցիալական
ապահովության, առողջապահության և ծրագրերի բաժնի ներկայացուցիչները: Նոր Նորքից ճամբարականների 3-րդ հերթափոխը՝ 35 երեխա, Ծաղկաձորի «Աղբյուր» ճամբար կմեկնի հուլիսի 28-ից մինչև օգոստոսի 16-ը: Նկարները՝ այստեղ
«Երևանյան ամառ 2014թ» ծրագրի
շրջանակներում Նոր Նորք վարչական շրջանի 4-րդ զանգվածում այսօր
կազմակերպվել էր «Ուրախ Նոր Նորք» խորագրով բակային ճամբարի հերթական
միջոցառումը: Տոնին միացել էին նաև Երևանի քաղաքապետարանի աշխատակազմի
ընտանիքի, կանանց և երեխաների իրավունքների պաշտպանության բաժնի պետ Իդա
Խաչատրյանը, Նոր Նորք վարչական շրջանի ղեկավարի աշխատակազմի կրթության,
մշակույթի և սպորտի բաժնի ներկայացուցիչները, Նոր Նորքի բակային ճամբարների
փոքրիկներն ու տարածքի բնակիչները: Ծրագիրը հագեցած էր կրկեսային
համարներով և մշակութային գեղեցիկ կատարումներով, որոնք իրական տոն
դարձրեցին երեխաների օրը՝ վերածելով այն լուսավոր հեքիաթի: Նկարները՝ այստեղ
«Երևանյան ամառ 2014թ» ծրագրի
շրջանակներում Նոր Նորք վարչական շրջանի «Տիգրան Մեծ» հանգստի գոտում այսօր
կազմակերպվել էր տոնական մեծ համերգային ծրագիր, որտեղ իրենց գեղեցիկ
կատարումներով նորնորքցիներին ողջունեցին հրավիրված երգիչ-երգչուհիները,
ինչպես նաև Նոր Նորքի մշակութային հիմնարկների գեղարվեստական խմբերն ու
անհատ կատարողները: Տոնական ծրագիրը զուգորդվեց նաև կրկեսային ինքնատիպ
շոու-ծրագրով: Նոր Նորք վարչական շրջանի ղեկավար Արմեն Ուլիխանյանի կողմից
վարչական շրջանում գործող բակային ճամբարների պատասխանատուները տարբեր
անվանակարգերում պարգևատրվեցին խրախուսական նվերով. անակնկալ նվերներ էին
պատրաստվել նաև Նոր Նորքում հայտարարված «Իմ ընտանիքի պատմությունը»
խորագրով շարադրության մրցույթի, «Ամառային գունապնակ» նկարչական մրցույթի և
«Շախմատը մտքի արվեստ է» մարզական բացօթյա խաղի հաղթողների համար. տոնական
օրն ամփոփվեց հրավառությամբ՝ ժպիտներ ու բարձր տրամադրություն տարածելով
ամենուր: Նկարները՝ այստեղ
Երևանաբնակ հարյուրավոր երեխաներ այս
օրերին իրենց ամառային հանգիստն են անցկացնում մարզային ճամբարներում՝ ՀՀ
կառավարության «Դպրոցականների ամառային հանգստի կազմակերպում» ծրագրի
շրջանակում: Վարչական բոլոր շրջաններից ճամբարներ մեկնող երեխաներին ոչ
միայն ճանապարհում, այլև այնուհետ ճամբար են այցելում և երեխաների հանգստի
պայմաններին են ծանոթանում վարչական շրջանների ղեկավարները: Ծաղկաձորի
«Աղբյուր» ճամբարում երկրորդ հերթափոխին հանգստանում է վարչական տարբեր
շրջանների 150 դպրոցական: Նոր Նորք վարչական շրջանի ղեկավար Արմեն
Ուլիխանյանը Ծաղկաձորի քաղաքապետ Արթուր Հարությունյանի ուղեկցությամբ
այցելել է ճամբար, ծանոթացել երեխաների հանգստի ու կենցաղի պայմաններին,
այնուհետ մասնակցել այստեղ կազմակերպված միջոցառմանը, որին ջոկատները
ներկայացել են համերգային հարուստ ծրագրով: Միջոցառման ավարտին վառվել է
ավանդական խարույկը, որն իր շուրջ է համախմբել բոլոր ճամբարականներին: Վարչական շրջանի ղեկավարի կողմից երեխաների համար անակնկալ էր պատրաստվել. գեղեցիկ հրավառություն, քաղցրավենիք և նվեր ճամբարին.
Կիսվելով ճամբարային առօրյայի մասին իրենց տպավորություններով՝ երեխաները
նշել են, որ ակտիվ մասնակցելով մարզամշակութային միջոցառումներին և տարբեր
մրցումներին և ցուցադրելով լավագույն արդյունքները՝ իրենք բարձր են պահել
Երևանի և իրենց վարչական շրջանի պատիվը: Նկարները՝ այստեղ
