Նոր Նորքում շարունակվում են ծառերի սանիտարական էտման աշխատանքները

Նոր Նորք վարչական շրջանում շարունակվում են վնասված և չորացած ծառերի սանիտարական էտման և ձևավորման աշխատանքները: Ի կատարումն Երևանի քաղաքապետ Տարոն Մարգարյանի հանձնարարականի՝ խիստ հետևողականությամբ ամենօրյա աշխատանքներ են տարվում վնասված ծառերին նոր կյանք հաղորդելու, ինչպես նաև արդեն անպիտան ծառերը նորերով փոխարինելու ուղղությամբ:
Այս նպատակով նոյեմբերի 23-ին կազմակերպվելու է համանորնորքյան ծառատունկ: Աշխատանքներին զուգահեռ կենտրոնական փողոցների հարակից սիզամարգերում պահ են տրվում հազարավոր կակաչի սոխուկներ, որոնք գարնանը կրկին կհիացնեն բնակիչներին իրենց բազմերանգությամբ:

Տերյանական պոեզիայի ցերեկույթ հ. 134 հիմնական դպրոցում

Նոր Նորք վարչական շրջանի առաջին զանգվածում գործող հ. 134 հիմնական դպրոցում կազմակերպվել էր տերյանական ցերեկույթ, որտեղ իրենց մասնակցությունը բերեցին ինչպես աշակերտները, այնպես էլ մանկավարժներն ու տնօրենը: Միջոցառման հյուրերի կազմում էին ներկայացուցիչներ Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնից, հայոց լեզվի և գրականության ուսուցիչներ Նոր Նորքում գործող տարբեր դպրոցներից:
Տերյանական ցերեկույթն ուղեկցվեց  հայ  քնարերգուի հայտնի ստեղծագործությունների ընթեցմամբ, ինչպես նաև բանաստեղծությունների հիման վրա ստեղծված երգերով՝ համադրված պարային ու թատերական գեղեցիկ լուծումներով:
Նշենք, որ Երևանի հ. 134 դպրոցը հիմնադրվել է 1968թ. Նոր-Նորքի 1-ինզանգվածի Նանսենի 14 հասցեում Ն. Կիրակոսյանի տնօրինությամբ: Նրա և նրան հաջորդող տնօրենների` Ի. Աթոյանի, Գ. Օրդյանի, Ա. Հակոբյանի և մանկավարժական կոլեկտիվի անմնացորդ աշխատանքի արդյունքում ծնվել են լավ ավանդույթներ և հիշարժան միջոցառումներ (հանդիպումներ անվանի մարդկանց հետ, գրական-երաժշտական ցերեկույթներ, դիմակահանդեսներ): Դպրոցը բազմիցս մասնակցել է գեղարվեստական փառատոնների, սպորտային միջոցառումների, օլիմպիադաների և արժանացել խրախուսանքների ու մրցանակների (<<Քաղաքացի նախագիծ>> ծրագիր, <<Պատարագը աշակերտների շուրթերով>>, <<Գարուն>>, Վերջին զանգ>> և այլն): Տարիներ շարունակ դպրոցում գործել է ուսուցչական երգչախումբ, որը մասնակցել է քաղաքային փառատոնի և արժանացել 1-ին կարգի դիպլոմի: Դպրոցը նախկինում ունեցել է ռուսերենի խորացված ուսուցում, և ռուսաց լեզվով բեմադրված <<Կատվի տունը>> ներկայացումը ցուցադրվել է հեռուստատեսությամբ: Դպրոցի բազմաթիվ շրջանավարտներ այսօր աշխատում են արվեստի, գիտության բնագավառում և կառավարական օղակներում: Կրթօջախը տվել է բազմաթիվ չեմպիոններ (սուսերամարտ, սեղանի թենիս): Այժմ աշակերտների շրջանում մեծ մասսայականություն է վայելում շախմատը: Դպրոցն ունի նաև հանրապետական մասշտաբի մրցանակակիրներ: Տասնամյակներ ընթացքում ձևավորված ավանդույթները շարունակվում են մինչ օրս: 
Նկարները՝ այստեղ

Նոր Նորքի "Գետաշեն" դհոլահարների համույթը հիացրեց հանդիսատեսին

Նոյեմբերի 22-ին կայացավ «Հայաստանի հմտություններ» ազգային մրցույթի բացումը երեք մասնագիտությունների գծով՝ ոսկերչություն, նորաձևություն, խոհարարություն: Հաղթող ճանաչված ուսանողները կմասնակցեն «Համաշխարհային հմտություններ» մրցույթին:
Բացման հանդիսավոր արարողությունը վերապահված էր Նոր Նորքի ուսումնամեթոդական և գիտաարտադրական կենտրոնում գործող "Գետաշեն" դհոլահարների համույթին, որի դհոլի խրոխտ հնչյունները հիացրեցին հանդիսատեսին՝ հաղթական զարկերով ազդարարելով մրցույթի մեկնարկը:
«Հայաստանի հմտություններ» նախագիծը իր շուրջը միավորում է ՀՀ կրթության և գիտության նախարարությանը, Կրթության ազգային ինստիտուտի մասնագիտական կրթության և ուսուցման զարգացման ազգային կենտրոնին և սոցիալական գործընկերներին` ՀՀ առևտրաարդյունաբերական պալատին, Հայաստանի գործարարների (գործատուների) ու արդյունաբերողների միությանը, Հայաստանի գործատուների միությանը:
Նկարները՝ այստեղ

Նոր Նորքի մանկապարտեզներում շարունակվում են ծնողական ժողովները

Նոր Նորք վարչական շրջանի մանկապարտեզներում կրթության, մշակույթի և սպորտի բաժնի կողմից շարունակաբար կազմակերպվող ծնողական ժողովներից հերթականը Երևանի հ. 99 մանկապարտեզում էր: Վարչական շրջանի ղեկավար Արմեն Ուլիխանյանի նախաձեռնությամբ իրականացվող ուսումնասիրությունների նպատակը մանկապարտեզներում Երևանի քաղաքապետի հանձնարարականների պատշաճ ընթացքի ապահովումն ու աշխատանքային արդյունավետության բարձրացումն է: Օրակարգային տարաբնույթ հարցերին հաջորդում է ծնողների բարձրացրած խնդիրների ու առաջարկների քննարկումը, որն արձանագրվում ու հստակ առաջարկներով փոխանցվում է համապատասխան մարմիններին:
Նկարները՝ այստեղ

Կույրերի օրվա առթիվ Նոր Նորքում կազմակերպվեցին տնայցեր

Կույրերի միջազգային օրվա առթիվ Նոր Նորք վարչական շրջանի ղեկավար Արմեն Ուլիխանյանի նախաձեռնությամբ սոցիալական ապահովության, առողջապահության և ծրագրերի բաժնի կողմից կազմակերպվել էին տնայցեր:
Տասը ընտանիք, ըստ առաջնահերթության(սոցիալական ծանր պայմաններ, 2 և ավելի կույր անձ ունեցող), ստացավ սննդի փաթեթ:
Բաժնի ներկայացուցիչները ծանոթացան նաև բնակիչներին մտահոգող խնդիրներին ու հարցերին՝ հետագայում դրանց կարգավորման շուրջ ուղիներ ու կառուցողական լուծումներ մշակելու նպատակով:

Նկարները՝ այստեղ

Շաբաթօրյակ Նոր Նորք վարչական շրջանում 16.11.2013

Նոր Նորք վարչական շրջանում նոյեմբերի 16-ին կազմակերպվել էր համանորնորքյան շաբաթօրյակ, որին միացել էին վարչական շրջանի սան. մաքրման և կանաչապատման ծառայությունների, համատիրությունների, վարչական շրջանի ղեկավարի աշխատակազմի տարբեր բաժինների աշխատակիցներն ու բազմաթիվ բնակիչներ:

Մաքրման աշխատանքներն իրականացվում էին նաև Նոր Նորքի բոլոր զանգվածներում՝ բակային և միջբակային տարածքներում, ուսումնական և այլ հաստատությունների բակերում: Աղբի հեռացման նպատակով գործի դրվեցին նաև համապատասխան մեքենա-սարքավորումներ: Աղբի հեռացման աշխատանքների զուգահեռ իրականացվեց նաև ծառերի էտում և երիտասարդացում: 

Շաբաթօրյակի ողջ ընթացքը վերահսկում էր Նոր Նորք վարչական շրջանի ղեկավար Արմեն Ուլիխանյանը, ով շրջելով մաքրվող տարածքներում համապատասխան ցուցումներով հետևում էր աշխատանքների պատշաճ իրականացմանը:
Նկարները՝ այստեղ

Նոր Նորքի հ. 111 մանկապարտեզում ավարտվեցին նորոգման աշխատանքները

Երևան քաղաքի զարգացման 2013 թվականի ծրագրով Նոր Նորք վարչական շրջանի հ. 111 մանկապարտեզում այս տարի հիմնանորոգվեցին բոլոր սանհանգույցները: Աշխատանքները մեկնարկեցին հունիս ամսից: Նորոգման ողջ ընթացքում Նոր Նորք վարչական շրջանի ղեկավարի հանձնարարությամբ աշխատակազմի կոմունալ տնտ. և բազմաբն. շենքերի կառ. բաժնի և կրթ., մշակ. և սպորտի բաժնի կողմից հետևողական վերահսկողություն սահմանվեց որակի ապահովման նկատմամբ: Աշխատանքներն ավարտվեցին հոկտեմբեր ամսին:
Նկարները՝ այստեղ

«Կրկեսը աշնանային անտառում» միջոցառում հ. 105 մանկապարտեզում

Նոր Նորք վարչական շրջանի հ. 105 մանկապարտեզում այսօր տոնական բարձր տրամադրություն էր. աշնանային գույները մանուկների շնորհիվ մարմին էին առել և թևածում էին ողջ դահլիճում: Միջոցառումը կրկեսային ինքնատիպ ծրագիր էր՝ ուշագրավ նորարար և ստեղծագործական լուծումներով:
Հանդիսատեսի կազմը համալրում էին ներկայացուցիչներ Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնից, տարբեր մանկապարտեզներից և դպրոցներից:
Կրկեսային ծրագրի ողջ ընթացքում սաները մեծ ոգևորությամբ ներկաներին հիացրեցին իրենց անկեղծ ու պատրաստված ելույթներով՝ մանկության հրաշք մոլորակից հանդիսատեսին փոխանցելով ժպիտներ և բարձր տրամադրություն:
Նկարները՝ այստեղ

Բաց դասեր Նոր Նորքի Ա. Ղուլյանի անվան մանկ. մարզատեխ. կենտրոնում

Նոր Նորք վարչական շրջանի առաջին զանգվածում գործող «Երևանի Աշոտ Ղուլյանի անվան մանկապատանեկան մարզատեխնիկական կենտրոն» -ում կազմակերպվել էին ուսուցանվող բոլոր մասնագիտությունների ուղղությամբ բաց դասեր, որոնց ներկա էին նաև վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները: 
Նշենք, որ մարզատեխնիկական կենտրոնում գործում են շախմատի, ավիամոդելավորման, կարտինգի (ավտոռալլի), ասեղնագործության, ուլունքագործության և դիզայնի խմբեր: 
«Երևանի Աշոտ Ղուլյանի անվան մանկապատանեկան մարզատեխնիկական կենտրոն» -ի շախմատի դասարանում առանձին անկյուն է հատկացված նաև Արցախյան ազատամարտի մասնակից, հայ ժողովրդի արժանավոր զավակներից Աշոտ Ղուլյանին՝ Բեկորին: 
Կենտրոնում դասավանդում են վաստակավոր մարզիչներ և սպորտի վարպետներ, որոնց փոխանցած գիտելիքների ու հմտությունների շնորհիվ սաները լավագույն արդյունքներ են գրանցում տեղական ու միջազգային մրցույթներում, ցուցադրական ելույթներ ունենում հանրապետական տարբեր միջոցառումների ժամանակ: 
Հեռախոս՝ (010) 63-31-00 Էլ. փոստ՝ ashot.ghulyan@mail.ru
Նկարները՝ այստեղ

Նոր Նորքի հ. 101 մանկապարտեզում ավարտվեցին նորոգման աշխատանքները

Երևան քաղաքի զարգացման 2013 թվականի ծրագրով Նոր Նորք վարչական շրջանի հ. 101 մանկապարտեզում այս տարի ամբողջությամբ փոխվեցին դռներն ու պատուհանները: Աշխատանքները մեկնարկեցին հունիս ամսից և ավարտվեցին հոկտեմբեր ամսին: Նորոգման ողջ ընթացքում Նոր Նորք վարչական շրջանի ղեկավարի հանձնարարությամբ աշխատակազմի կոմունալ տնտ. և բազմաբն. շենքերի կառ. բաժնի և կրթ., մշակ. և սպորտի բաժնի կողմից հետևողական վերահսկողություն սահմանվեց որակի ապահովման նկատմամբ: Աշխատանքներն ավարտվեցին հոկտեմբեր ամսին:
Նկարները՝ այստեղ

Շնորհակալագրեր սոցիալական աշխատողի օրվա առթիվ

Նոյեմբերի 4-ը մեր երկրում նշվում է որպես սոցիալական աշխատողի օր, այս կապակցությամբ Նոր Նորք վարչական շրջանի ղեկավարի կողմից նախատեսվել էին շնորհակալագրեր Նոր Նորք վարչական շրջանի սոցիալական ապահովության բնագավառում աշխատող մի շարք աշխատակիցների համար:
Շնորհակալագրերի հանձնման հանդիսավոր արարողության ժամանակ վարչական շրջանի ղեկավարը շնորհավորեց ոլորտի աշխատողներին՝ արժևորելով նրանց դերը կյանքի դժվարին իրավիճակներում հայտնված մարդկանց և առհասարակ, մեր հանրության կյանքում:
-Օգնության ձեռք մեկնելով աջակցության կարիք ունեցող անձանց՝ դուք մարդասիրաբար սատար եք լինում յուրաքանչյուրին, նպաստում նրանց սոցիալական խնդիրների կարգավորմանն ու կյանքի որակի բարելավմանը,- հավելեց Արմեն Ուլիխանյանը՝ մաղթելով անկոտրում կամք ու բազում հաջողություներ:
Նկարները՝ այստեղ

Նոր Նորքի «Տիգրան Մեծ» հանգստի գոտին

Վերաբացված «Տիգրան Մեծ» հանգստի գոտին իսկապես հրաշալի նվեր էր բոլոր երևանցիներին, մասնավորապես՝ նորնորքցիներին:
Ժամանակակից կահավորանք, բարեկարգ ճեմուղիներ, ծաղկային ու քարային դեկորներով համադրված գեղատեսիլ պուրակներ, երևանյան տեսարժան վայրերը ներկայացնող ցուցապաստառներ, մանկական ժամանակակից խաղերով կահավորված խաղահրապարակներ և մարզահրապարակներ, արտաքին լուսավորության նոր ցանց, շուրջ 1 կմ ոռոգման նոր համակարգ, ամառային ու ձմեռային զրուցարաններ, թեմատիկ նկարազարդումներով անկյուններ...
Գեղազարդ այգին ամառ թե ձմեռ հանգստի հարմարավետ պայմաններով կհյուրընկալի հազարավոր այցելուների՝ ապահովելով հաճելի ժամանց ու երևանյան տրամադրություն:
Նկարները՝ այստեղ

Վերապատրաստական սեմինար Նոր Նորքում ֆիզկուլտուրա առարկայից

Նոր Նորք և Ավան վարչական շրջանների մանկապարտեզների ավագ խմբերի դաստիարակների և ֆիզ.հրահանգիչների համար Երևանի քաղաքապետարանի աշխատակազմի հանրակրթության վարչության նախաձեռնությամբ կազմակերպվել էր վերապատրաստական սեմինար, որն անցկացնում էր մանկապարտեզներում կիրառվող ֆիզկուլտուրայի ուսուցման ձեռնարկի հեղինակ Ռիմա Առաքելյանը: Նոր Նորքի հ. 99 մանկապարտեզում անցկացվող սեմինարի ընթացքում կարևորվեց հատկապես երեխայի շարժողական ունակությունների զարգացումը՝ քայլք, վազք, ցատկ, նետում, մագլցում, սողանցում. կենսական կարևոր այս շարժողական ունակությունները կիրառվում են մարդու ողջ կյանքի ընթացքում և դրանց զարգացումը պետք է լինի ճշգրիտ՝ չվնասելով երեխայի հետագա առողջությանը: Սեմինարի ընթացքում կարևորվեց նաև ֆիզիկական դատիարակության աշխատանքային ձևերի ճիշտ ընտրությունը. ֆիզիկական պարապմունքները պետք է կրեն հաջորդական բնույթ և նպաստեն երեխայի կեցվածքի ճիշտ ձևավորմանը, ֆիզիկական, կամային, բարոյական որակների, մտավոր կարողությունների զարգացմանն ու ճանաչողության ընդլայնմանը: Այս ամենի արդյունավետ կազմակերպման առումով սեմինարավար Ռիմա Առաքելյանը հանձնարարեց հատուկ ուշադրություն դարձնել մարզական խաղերի ուսուցմանը: Վերապատրաստման դասընթացն ուղեկցվեց գործնական աշխատանքներով ու ցուցադրական վարժություններով:
Նկարները՝ այստեղ

Կայացավ ըմբշամարտի միջազգային 5-րդ հուշամրցաշարը 9.11.2013թ.

Նոյեմբերի 9-ին "Դինամո" մարզադահլիճում կայացավ ԽՍՀՄ վաստակավոր մարզիչ Ռուդոլֆ Կարապետյանի և ԽՍՀՄ միջազգային կարգի սպորտի վարպետ Եղիշե Կարապետյանի անվան ազատ ոճի ըմբշամարտի միջազգային հինգերորդ հուշամրցաշարը, որը նախաձեռնել և իրականացնում էին Նոր Նորք վարչական շրջանի ղեկավար Արմեն Ուլիխանյանը և Նոր Նորքի վարչական շրջանի Ռ. Կարապետյանի անվան մարզադպրոցը՝ ի դեմս տնօրեն Գ. Սիմոնյանի: Հուշամրցաշարի կազմակերպման աջակիցներն էին Երևանի քաղաքապետարանը, "Աշխատանքային ռեզերվներ" մարզական կազմակերպությունը, "Երևանի սպորտ կոմիտեն", "Տաշիր Գրուպ" ընկերությունը, Ռուդոլֆ Կարապետյանի սաներն ու Եղիշ Կարապետյանի ընկերները:
Այս տարի մրցաշարին մասնակցոմ էին ըմբիշներ Ռուսաստանից, Դաղստանից, Իրանից, Վրաստանի տարբեր քաղաքաներից, Արցախից, Ջավախքից, Հայաստանի բոլոր մարզերից և Երևան քաղաքի վարչական շրջաններից:
Հուշամրցաշարի բացման հանդիսավոր արարողությանն իրենց երաժշտական ու պարային ողջույնն էին բերել Նոր Նորք վարչական շրջանի մշակույթի կենտրոնի սաները:
Մրցաշարին ողջույնի խոսքով հանդես եկավ Երևանի սպորտ կոմիտեի տնօրեն և ըմբշամարտի ֆեդերացիայի փոխնախագահ Հրանտ Ենոքյանը՝ մասնակիցներին մաղթելով հաջող և դրական զգացողություններով լի պայքար:
Հուշամրցաշարի շրջանակներում նախատեսվել էին նաև դիպլոմներ, որոնք շնորհվեցին հուշամրցաշարի կազմակերպամանն ու անցկացմանն աջակցողներին, այդ թվում՝ Երևանի Նոր Նորք վարչական շրջանի ղեկավարի տեղակալ Արմեն Ալավերդյանին, ՖԿՊԻ ռեկտոր Վահրամ Առաքելյանին, Երևանի սպորտկոմիտեի տնօրեն, Հայաստանի ըմբշամարտի ֆեդերացիայի փոխնախագահ Հրանտ Ենոքյանին և այլոց:
Մրցումներն իրականացվեցին սահմանված կարգի համաձայն. հաղթանակած մարզիկներին համապատասխանաբար շնորհվեցին, բրոնզե, արծաթե և ոսկե մեդալներ, իսկ առաջին տեղերը զբաղեցրած ըմբիշներն արժանացան հատուկ մրցանակների:
Նկարները՝ այստեղ

Նոր Նորք վարչական շրջանի ուսումնամեթոդական, գիտաարտադրական կենտրոն

Հիմնադրվել է 1997թ. որպես Նոր Նորքի  <<Ուսումնաարտադրական, մարզաառողջարարական, մշակույթի կենտրոն>>, 2009թ. վերափոխվել<<Ուսումնամեթոդական, գիտարտադրական կենտրոն>> ՀՈԱԿ-ի:

Դասասենյակներն ու արտադրամասերը վերանորոգված, կահավորված և հագեցված են հաստոցներով ու սարքավորումներով:
Կենտրոնի կազմում գործում են 12 խմբեր, որոնցում սովորում է 395 աշակերտ:
Կենտրոնը բաղկացած է ուսումնա-մեթոդական և գիտա-արտադրական բաժիններից:
Ուսումնամեթոդական բաժնի ճյուղերն են` <<Անահիտ>> հայկական ժողովրդական գործիքների երգի-պարի համույթ, հայկական ժողովրդական պարերի խումբ (I,II),<<Գետաշեն>> դհոլի համույթ, հագուստի մոդելավորում և գոբելեն, նկարչություն, շախմատ, դեկորատիվ կիրառական արվեստ-խեցեգործություն, կահույքագործություն, քարի մշակում, մրգաչրերի պատրաստման և ձևավորման խումբ, մրգերի և բանջարեղենների ձևավորման խումբ (կարլինգ):
Գիտաարտադրական բաժնում կատարվում են` հասարակական նոր տիպի աղբարկղերի նախագծի, նախահաշվի և փորձանմուշի պատրաստում, ներքին այրման շարժիչի բոլոր լիսեռների նոր տիպերի նախագծում, նախահաշվում, նոր մոդելի պատրաստում, փայտի փորագրության մեխանիզացված սարքավորման պատրաստում:

Տնօրեն` Մեսրոպ Վարդանյան
Հասցե` Նոր Նորքի 6-րդ զ., Լյուքսեմբուրգի 2-րդ նրբանցք
Հեռ.` 66-35-82
Էլ. փոստ` gitart@mail.am

Նոր Նորքի "Էլիտա" հեղինակային միջնակարգ դպրոցը դարձավ 15 տարեկան

Այսօր Նոր Նորք վարչական շրջանում գործող "Էլիտա" հեղինակային միջնակարգ դպրոցի 15-ամյա հոբելյանի առթիվ կազմակերպվել էր հանդիսավոր արարողություն, որն իրականացվեց Գ. Ստեփանյանի անվան հ. 135 դպրոցի դահլիճում: Միջոցառմանը ներկա էին Նոր Նորք վարչական շրջանի ղեկավարի տեղակալ Արմեն Ալավերդյանը, Էրեբունի-Երևան տոնի շրջանակներում դպրոց այցելած Ուկրաինայի Գոլոսեևսկի շրջանի պատվիրակության կազմը, դպրոցի բարեկամներ և այլ հյուրեր:
Դպրոցի ծննդյան հանդիսավոր արարողության մեկնարկն ազդարարվեց ՀՀ հիմնի հնչյուններով: Տոնական ծրագրին զուգահեռ ելույթ ունեցան կրթօջախի հիմնադրման ակունքներում կանգնած մանկավարժները, ովքեր արժևորեցին դպրոցի անցած 15-ամյա ճանապարհին ունեցած ձեռքբերումները:
Դպրոցակերտման գործին ձեռնամուխ եղած նվիրյալների շնորհիվ "Էլիտա" հեղինակային միջնակարգ դպրոցը ոչ միայն կայացել, այլև լուրջ հեղինակություն է վայելում հանրության շրջանում:
Հոբելյանական արարողությունը տոնական ցերեկույթ լինելուց բացի աշխատանքերի ու արդյուքների մի յուրօրինակ համագումար էր, որն ամփոփվելով ու ընդհանրացվելով՝ ընդգծում էր կրթօջախի դիմագիծը:
Իրենց պարային, երաժշտական կատարումներով ու անկեղծ բեմախաղով աշակերտները ներկաներին տեղափոխեցին "Էլիտա"-ի յուրօրինակ միջավայր, որը լի է հրաշքներով, ուր գիտելիքը մարդկայնությամբ է համեմված և լույս է առկայծում:
Կրթօջախին շնորհավորեցին նաև Ուկրաինայի պատվիրակության ներկայացուցիչները՝ ավարտին փոխանակվելով հուշանվերներով:
Նկարները՝ այստեղ

Էրեբունի-Երևան տոնը Նոր Նորքում վաղ առավոտյան

Նոր Նորք վարչական շրջանում Երևանի ծննդյան 2795-ամյա հոբելյանի առթիվ վաղ առավոտից տոնական զարդարված ջրցան մեքենաները լվանում ու մաքրում էին փողոցները: Երիտասարդ ակտիվիստների, վարչական շրջանի ղեկավարի աշխատակազմի և ՀՀ ԱԻՆ աշխատակիցների ուժերով լվացվեցին նաև Նոր Նորքի խորհրդանիշեր Գայի և Հայկի արձանները:

Նկարները՝ այստեղ

Նոր Նորքը Էրեբունի-Երևան տոնակատարությանը 2795

Քաղաքամայր Երևանի ծննդյան 2795-ամյա հոբելյանի առթիվ կազմակերպված տոնակատարությանը միացել էին նաև Նոր Նորքի ներկայացուցիչները՝ վարչական շրջանի ղեկավարի աշխատակազմը, ուսումնական հաստատությունների կոլեկտիվները, երիտասարդ ակտիվիստներ ու բազմաթիվ նորնորքցիներ:
Քաղաքապետարանի շենքի բակում՝ 15 համարին հատկացված տարածքում, նորնորքցիները ներկայանում էին կարմիր գլխարկներով՝ տոնական ուրախ երանգ հաղորդելով բազմությանը:
Հանդիսավոր արարողությունից հետո Նոր Նորքի ներկայացուցիչները միացան տոնական շքերթին, որը օրվա խորհրդին համահունչ երաժշտության գեղեցիկ հնչյունների ներքո շարժվեց դեպի հանրապետության հրապարակ:

Տոնական քաղաքում տեղակայված գեղեցիկ բեմահարթակներից մեկում ելույթ ունեցան նաև Նոր Նորքի գեղարվեստական խմբերը՝ Մշակույթի կենտրոնի "Նանե" պարախումբն ու Հ. Դանիելյանի անվ. արվեստի դպրոցի սաները:
Մեր սիրելի Երևանի տարեդարձն իր շուրջն էր համախմբել հազարավոր հայերի ու արտասահմանից ժամանած հյուրերի, ովքեր միանալով մեր համահայկական տոնին՝ մեզ հետ միասին նշում էին մեր հինավուրց մայրաքաղաքի հոբելյանական արարողությունը:
ՇՆՈՐՀԱՎՈՐ ՏՈՆԴ, ՄԵՐ ՍՐՏԻ ՈւՂԵԿԻՑ...
Նկարները՝ այստեղ

Նոր Նորքի գեղարվեստական խմբերը էրեբունի Երևան տոնախմբությանը

Էրեբունի պատմահնագիտական արգելոց-թանգարանի շրջակայքում այսօր մեկնարկեցին Երևանի ծննդյան 2795-ամյակին նվիրված միջոցառումները: Կազմակերպված գեղեցիկ ցուցահանդեսին զուգահեռ թանգարանի դիմաց տեղակայված բեմահարթակում իրենց գեղեցիկ կատարումներով ներկաներին ու մայրաքաղաքի բազմահազար հյուրերին ողջունեցին վարչական շրջանների գեղարվեստական խմբերը: Նոր Նորք վարչական շրջանը ներկայացրեցին Նոր Նորքի մշակույթի կենտրոնի Վահագն դհոլահարների անսամբլը, Ջի Էմ Մաքս պարային համույթը, Հայկանուշ Դանիելյանի անվան արվեստի դպրոցի սաները:
Մեր հնամյա, բայց նորօրյա քաղաքին Նոր Նորքի բարձունքից բերելով շնորհավորանքներ ու անկեղծ բարեմաղթանքներ՝ նորնորքցիներն իրենց տոնական կատարումներով բարձր տրամադրութուն ու ժպիտների հրավառություն տարածեցին ամենուր:
Մեր հարազատ մայրաքաղաքի հոբելյանական հանդիսությունները շարունակվում են: Հրավիրում ենք բոլորին միանալու նաև հոկտեմբերի 12-ին կայանալիք տոնակատարությունների շքերթին. միասինք նշենք մեր սրտի ուղեկից Երևանի ծննդյան տարեդարձը, տոն, որը համայն հայությանն է:
Նկարները՝ այստեղ

Ուկրաինայի պատվիրակությունը Նոր Նորքում

Էրեբունի-Երևան տոնակատարության շրջանակներում քաղաքամայր Երևանում հյուրընկալված Ուկրաինայի Գոլոսեևսկի շրջանի պատվիրակության կազմում էին նաև Նոր Նորքի հ. 135 դպրոցի քույր դպրոց հ. 85 դպրոցի ներկայացուցիչները:
Ամենամյա ավանդույթի համաձայն՝ դպրոցները փոխայցելություններով ծանոթանում են միմյանց կրթամշակութային արժեքներին, փոխանակվում փորձով և հաղորդակցվում ազգային յուրահատկություններին:
Երևանի ծննդյան հոբելյանի առթիվ մայրաքաղաքում հյուրընկալված Գոլոսեևսկի շրջանի պատվիրակության կազմով Գոլոսեևսկի հ. 85 դպրոցի ներկայացուցիչները այցելեցին Գագիկ Ստեփանյանի անվան կրթօջախ, որտեղ հյուրերին դիմավորեցին աղ ու հացով, հայ-ուկրաինական երգ ու պարով և տոնական բարձր տրամադրությամբ:
Ներկաների կազմում էին նաև Նոր Նորք վարչական շրջանի ղեկավարի տեղակալ Արմեն Ալավերդյանը, Նուբարաշեն վարչական շրջանի ղեկավար Արթուր Կիրակոսյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, դպրոցական խորհրդի անդամներ և այլ հյուրեր:
Քահանայի օրհնությանը, Հայաստանի և Ուկրաինայի հիմնի հնչյուններին հաջորդեցին հայ-ուկրաինական երգն ու պարը, երկրների ու դպրոցների ներկայացուցիչների ելույթները: Այնուհետև հյուրերը շրջեցին դպրոցի դասասենյակներով, որոնցից մեկում աշակերտների մասնակցությամբ կազմակերպվել էր հիշատակի ցերեկույթ՝ նվիրված դպրոցի շրջանավարտ, Արցախյան ազատամարտի հերոս Գագիկ Ստեփանյանի հիշատակին:
Միջոցառումն ամփոփվեց խորհրդանշական ծառատունկով: Հ. 135 դպրոցի ձախակողմյան հատվածի հարակից լանջում հյուրերը տնկեցին անվանական ծառեր՝ ամրագրելով օրվա խորհուրդը, որպեսզի սկիզբ դրված բարեկամությունը արմատներ ձգի ու հետզհետե ամրանալով՝ հանգեցնի բեղմնավոր արդյունքի:

Նկարները՝ այստեղ

Ուսուցչի օրվա առթիվ այցելություն Նոր Նորքի տարեց մանկավարժներին

Ուսուցչի օրվա առթիվ Նոր Նորք վարչական շրջանի ղեկավարի աշխատակազմի բաժինների և ՀՀԿ կանանց խորհրդի ներկայացուցիչները միասին այցելեցին վարչական շրջանում բնակվող տարեց մանկավարժներին՝ շնորհավորելով, ծաղիկներ և հուշանվերներ հանձնելով նրանց:
Հաճելի այցելությունը արժևորված ու գնահատված լինելու զգացումով էր համակել մանկավարժներին: Հարազատ գործընկերների հետ հանդիպումը շատերին տեղափոխեց հիշողությունների գիրկը՝ ապրեցնելով հուզմունքի և ուրախության հրաշք րոպեներ:
"Կյանքում բոլոր լուսե մարդկանց Ուսուցիչ անունն են միշտ տվել"... "Հանճարն անգամ, ուսուցիչ է ունեցել"... Պատահական չէ, որ ուսուցչի մասնագիտական տոնը գիտակրթական մնայուն արժեքներ արարող հայերիս ամեն անգամ խոնարհումի ազնիվ զգացումով է համակում՝ վերստին առիթ տալով արժևորելու այն լուսավոր մարդկանց առաքելությունը, որոնց Ուսուցիչ ենք կոչում:
Շնորհավո՛ր տոնդ, հայ դպրության ջահակիր:
Նկարները՝ այստեղ

Գրադարանավարի օրը Նոր Նորքի կենտրոնական գրադարանում երեկոյան

Նոր Նորք վարչական շրջանում գրադարանավարի օրվան նվիրված միջոցառումների ծաղկաբույլում ուշագրավ էր նաև Նոր Նորքի կենտրոնական գրադարանում կազմակերպված տոնական երեկույթը ժողգործիքների անսամբլի, դհոլահարների համույթի և ազգային երգ ու պարի գեղեցիկ համադրությամբ: Նոր Նորքի ուսումնամեթոդական և գիտաարտադրական կենտրոնի գեղարվեստական խմբերը ժողովրդական երաժշտության գեղեցիկ հնչյուններով տոնական բարձր տրամադրություն հաղորդեցին ներկաներին: Նոր Նորքի կենտրոնական գրադարանում հյուրընկալված գրողներն ու մտավորականները, արվեստասեր ընթերցողներն ու գրադարանավարները հաճելի առիթ ունեցան հիանալու ազգային երգ ու պարով, ժողգործիքների անսամբլի սիրված կատարումներով՝ ապրելով տոնական օրվա բերկրանքը:շ

Նկարները՝ այստեղ