" ՍՐԸՆԹԱՑ ԳՆԴԱԿ " ՄՐՑՈՒՅԹՈՒՄ ՆՈՐ ՆՈՐՔԸ ԶԲԱՂԵՑՐԵՑ 2-ՐԴ ՄՐՑԱՆԱԿԱՅԻՆ ՏԵՂԸ


Երևանի քաղաքապետարանի նախաձեռնությամբ իրականացվող “Առողջ սերունդ՝ պաշպանված հայրենիք” համաքաղաքային բակային ավանդական առաջնության շրջանակներում հուլիսի 10-17-ը իրականացվեց վոլեյբոլի “Սրընթաց գնդակ” առաջնությունը: Նոր Նորք վարչական շրջանի թիմը 5 անընդմեջ հաղթանակով դուրս եկավ կիսաեզրափակիչ փուլ, որտեղ մրցակցեց Արաբկիրի, Շենգավիթի և Ավանի հավաքականների հետ: 
Հաղթելով Ավան վարչական շրջանի թիմին՝  Նոր Նորքի մարզիկները դուրս եկան եզրափակիչ փուլ, որտեղ մրցակցելով Արաբկիրի թիմի հետ` զբաղեցրեցին 2-րդ մրցանակային տեղը:
  • Արաբկիր I
  • Նոր Նորք II
  • Շենգավիթ III
Պարգևատրման արարողությանը ներկա էին Երևանի քաղաքապետարանի մշակույթի, սպորտի և երիտասարդության հարցերի վարչության սպորտի բաժնի պետ Յուրի Մամիկոնյանը և Երևանի վոլեյբոլի  ֆեդերացիայի նախագահ Հրաչ Մուրադյանը:
Մարզիկները պարգևատրվեցին գնդակով, պատվոգրերով և մեդալներով:
“Առողջ սերունդ՝ պաշպանված հայրենիք” համաքաղաքային բակային ավանդական առաջնության շրջանակներում մրցույթներ կիրականացվեն նաև բասկետբոլ, հանդբոլ(ձեռքի գնդակ), ֆուտբոլ, հեծանվավազք և մարզատրամաբանական խաղեր սպորտաձևերում:
Մրցույթի մասնակիցների ներգրավվածությունն ու նրանց մարզական պատրաստվածության ապահովումը կոորդինացնում են վարչական շրջանների կրթության, մշակույթի և սպորտի բաժինները: 
Վարչական շրջանների ղեկավարների կողմից մրցումներից առաջ մասնակից մարզիկներին տրամադրվում են մարզահագուստներ, ինչպես նաև ապահովվում համապատասխան փախադրամիջոցով:
Ծրագիրը միտված է ամառվա ընթացքում իրենց հանգիստը Երևանում անցկացնող երեխաների ժամանցը առավել ակտիվ և հետաքրքիր դարձնելուն:

ՎԱՐԴԱՎԱՌԻ ՏՈՆԸ ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

Վարդավառի ազգային տոնը գեղեցիկ և յուրօրինակ հնչեղություն ստացավ Նոր Նորք վարչական շրջանում: Դեռևս վաղ առավոտից ջրցան մեքենաները, զինվելով  գույնզգույն դույլերով, վարչական շրջանի ղեկավար Արմեն Ուլիխանյանի հետ նախապես մշակած օրակարգի համաձայն շարժվեցին դեպի բանուկ պողոտաներ և բակեր` կյանքի կոչելու օրվա տոնական խորհուրդը: Ջրի կենարար ցողերը բազմաթիվ ժպիտներ և ուրախության ակնթարթներ պարգևեցին Նոր Նորքի բնակիչներին:
Տոնական տրամադրությունը կրկնակի էր հատկապես բակերում, որտեղ բազմաթիվ երեխաների բաժանվեցին դույլեր, իսկ ջրատար մեքենաները մեծ քանակով ջուր մատակարարեցին տոնին ընդառաջ դուրս եկած մանուկներին: Ոգևորությունն աննկարագրելի էր, ամենուր երեխաների ժպիտներով լի գոհունակ հայացքներ էին, որոնք թերևս կյանքը արժևորելու ամենակարևոր նախադրյալն են:Վարդավառի խորհրդանշական տոնը բացառիկ տոնական երանգ էր ստացել Նոր Նորքի բոլոր զանգվածներում և թաղամասերում: Բակեր այցելող ջրցան մեքենաներին ուղեկցում էին նաև  աշխատակազմի ներկայացուցիչները` վարչական շրջանի ղեկավար Արմեն Ուլիխանյանի գլխավորությամբ:
Զուլալ ջուրը ցողելով ամենուր երեխաներն ասես մանկան բարություն էին սփռում աշխարհում` քրիստոնեական գեղեցիկ ծիսակատարության խորհրդով մաքրագործելով մարդկանց հոգիները:
Նկարները՝ այստեղ

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ՆՈՐ ՆՈՐՔ ՎԱՐՉԱԿԱՆ ՇՐՋԱՆԻ ՂԵԿԱՎԱՐԸ ՇՆՈՐՀԱՎՈՐԵՑ ԱՇԽԱՐՀԻ ԳԱՎԱԹԸ ՆՎԱՃԱԾ ՄԱՐԶԻԿԻՆ

Հունիսի 6-8-ը Հունաստանի Կորֆու քաղաքում կայացած  աշխարհի գավաթի պաշտոնական առաջնությանը (աշխարհի կարատեի ֆեդերացիայի վարկածով) պատմության մեջ առաջին անգամ Հայաստանի ներկայացուցիչ Սերյոժա Սարգսյանը նվաճեց աշխարհի գավաթը: 
Սյորինրյու ոճի Հայաստանի ֆեդերացիայի նախագահ, կարատեի ազգային ֆեդերցիայի անդամ Արման Մակյանի գլխավորությամբ Սերյոժա Սարգսյանը պատիվ ունեցավ Հայաստանը ներկայացնելու աշխարհի մասշտաբով նման մեծ առաջնությանը և եզրափակիչ փուլում հաղթելով թուրք մարզիկին՝ 
նվաճել աշխարհի գավաթը:
Այս առիթով Նոր Նորք վարչական շրջանում գործող մարզական ակումբում կազմակերպվել էր տոնական արարողություն, որտեղ հաղթանակած մարզիկին շնորհավորեցին Նոր Նորք վարչական շրջանի ղեկավար Արմեն Ուլիխանյանը, ՀՀ ԵԿՄ Նոր Նորքի տարածքային բաժանմունքի ներկայացուցիչները, 
ինչպես նաև մարզական ընկերները՝ ցուցադրելով կատարողական որոշ հմտություններ:
Աշխարհի գավաթը պատվով նվաճած Սերյոժա Սարգսյանը պարգևատրվեց նվերներով,
իսկ արարողության հանդիսավոր մասում խորհրդանշական տորթի կտրման արարողությունն էր՝ աշխարհի կարատեի ֆեդերացիայի լոգոյով:
“Փառքը՝ հայերնիքին, պատիվը՝ քեզ” մաղթում ենք նոր հաղթանակներ աշխարհի տարբեր մրցասպարեզներում:

ՆՈՐ ՆՈՐՔ ՎԱՐՉԱԿԱՆ ՇՐՋԱՆԻ ՂԵԿԱՎԱՐԻ ԱՇԽԱՏԱԿԱԶՄԻ ՀԵՐԹԱԿԱՆ ԳՈՐԾԱՎԱՐԱԿԱՆ ԽՈՐՀՐԴԱԿՑՈՒԹՅՈՒՆԸ 10.07.2012


Երևան քաղաքի Նոր Նորք վարչական շրջանի ղեկավարի աշխատակազմի հերթական գործավարական խորհրդակցությունը, որը վարում էր վարչական շրջանի ղեկավար Արմեն Ուլիխանյանը, տեղի ունեցավ հուլիսի 10-ին: Աշխատանքային խորհրդակցությանը մասնակցում էին վարչական շրջանի ղեկավարի տեղակալները, աշխատակազմի քարտուղարը, վարչական շրջանի ղեկավարի աշխատակազմի բաժինների պետերը, համատիրությունների ղեկավարները, ինչպես նաև կենսապահովման ոլորտը սպասարկող պատասխանատու անձիք: 
Խորհրդակցության ընթացքում ներկայացվեցին ջրամատակարարման, էլեկտրամատակարարման, ջրմուղ կոյուղու վթարների, ասֆալտապատման, կանաչապատման, փողոցների արտաքին լուսավորության, սանմաքրման, ինչպես նաև բնակչության կենսապահովման տարբեր խնդիրների վերաբերյալ հաղորդումներ: Նախորդ խորհրդակցության ընթացքում վարչական շրջանի ղեկավարի հանձնարարությամբ հաշվառվել և գույքագրվել էր այգիների ցուցակը, որոնց լուսավորության վերաբերյալ տրվեցին հստակ հանձնարականներ: Քննարկվեց վարչական շրջանում առկա չորացած ծառերի կտրման և ճյուղերի հեռացման հարցը: 
Ներկայացվեց նաև, որ շուտով կավարտվեն նաև խոտհնձման և ծառերի կրապատման աշխատանքները: Նախորդ շաբաթվա հանձնարարականի համաձայն զեկուցվեց, որ 3-րդ զանգվածի Գյուրջյան 62 շենքի բակում առկա է խաղահրապարակ կառուցելու հարմարավետ տարածք, որը ներառվեց առաջիկա ծրագրում: Խորհրդակցության ընթացքում ներկայացվեցին 2-րդ զանգվածի այգու բարեկարգման, աղբարկղերի տեղադրման և լուսավորության վերաբերյալ զեկուցումներ: Վարչական շրջանի ղեկավարը, անդրադառնալով բակերի և այգիների մաքրության խնդրին, առանձնահատուկ շեշտեց, որ այն պետք է իրագործվի պատշաճ կերպով՝ հասնելով 100 տոկոսանոց արդյունքի: 
Սա վարչական շրջանի ղեկավար Արմեն Ուլիխանյանի հստակ դիրքորոշումն է: Ուստի հանձնարարվեց առավել կենտրոնացնել հսկողությունը՝ ստեղծելով կայուն համագործակցություն՝ սանիտարական մաքրման աշխատանքներ իրակացնող ընկերությունների, համատիրությունների և վարչական շրջանի ղեկավարի աշխատակազմի միջև: Կոմունալ բաժնին հանձնարարվեց քայլեր ձեռնարկել ավտոմեքենաների լքյալ թափքերի վերացման, ինչպես նաև շինաղբը ժամանակին տեղափոխելու ուղղությամբ: 
Աշխատանքային խորհրդակցության ընթացքում քննարկված առաջնահերթ խնդիրների կազմում էին նաև բակերի փոսալցման աշխատանքները, որոնց իրականացման համար հանձնարարվեց կատարել համակարգված ուսումնասիրություններ: Խորհրդակցության ընթացքում կոմունալ բաժնին հատուկ հանձնարարական տրվեց ճշտել Նոր Նորք վարչական շրջանում առկա ցայտաղբյուրների քանակը և ձեռնարկել համապատասխան միջոցներ չգործող ցայտաղբյուրների վերագործարկման ուղղությամբ: Առաջարկվեց նաև ուսումնասիրություններ կատարել վարչական շրջանում առկա ոռոգման ցանցի վերաբերյալ և ներակայացնել հստակ սխեմա: 
Խորհրդակցության ընթացքում կրթության, մշակույթի և սպորտի բաժնի պետը զեկուցեց, որ Նոր Նորք վարչական շրջանի ՆՈՒՀ-երում արդեն ավարտվում են ցանկապատերի ներկման աշխատանքները, ինչպես նաև հետևողական վերահսկողություն է իրականացվում մանկապարտեզներում մատուցվող սննդի որակի և պիտանելիության վերաբերյալ: 
Քաղաքաշինության և հողօգտագորման բաժնին հանձնարարվեց կոնկրետ քայլեր իրականացնել վարչական շրջանում ապօրինաշինությունը կանխելու և ինքնակամ զբաղեցրած հողատարածքները բնակիչներին վերադարձնելու համար: Համատիրությունների ղեկավարների հետ ունեցած հանդիպման ընթացքում Նոր Նորք վարչական շրջանի ղեկավար Արմեն Ուլիխանյանը հանձնարարեց բոլոր շենքերի մուտքերին և վերելակներում հետադարձ կապի ապահովման համար հեռախոսահամար թողնել, 
բնակիչների հարցերին ու առաջարկներին արագ արձագանքելու համար: 
Քննարկվեցին մի քանի շենքերում աղբահանության որոշ խոչընդոտներ վերացնելու հարցեր: Համատիրությունների ղեկավարներին հանձնարարվեց ձմեռային զրուցարանների, նկարազարդվող տարածքների, ինչպես նաև առաջիկա ծրագրով կառուցվելիք մեծ խաղահրապարակների վերաբերյալ առաջարկներ ներկայացնել: 

Նոր Նորքին մաքուր, կանաչապատ, բարեկարգ և գեղագիտական առումով հաճելի տեսք հաղորդելու նպատակային քայլերը օրեցօր տեսանելի են դառնում, ուստի անհրաժեշտ է, որպեսզի յուրաքանչյուրը սրտացավորեն մոտենա ցանկացած խնդրի կարգավորմանը՝ հօգուտ վարչական շրջանի կայուն զարգացման:

ՆՈՐ ՆՈՐՔԻ ԹԻՎ 116 ՄԱՆԿԱՊԱՐՏԵԶ ՏԱՐԵՎԵՐՋՅԱՆ ՀԱՆԴԻՍՈՒԹՅՈՒՆ

Յուրաքանչյուրիս կյանքում ամենապայծառ և անմոռաց հիշողությունները կապված են մանկության հետ, առավել ևս մեր մանկապարտեզի, որտեղ դրվում են հասուն կյանք մուտք գործելու անհրաժեշտ հիմքերը:
Նոր Նորք վարչական շրջանում մեկնարկած ՆՈՒՀ-երի ավարտական միջոցառումներին իր սպասված այցելությամբ հյուրընկալվում է նաև վարչական շրջանի ղեկավար Արմեն Ուլիխանյանը:
Հերթական հաստատությունը թիվ 116 մանկապարտեզն էրՏարեվերջյան հանդիսությունը հայկական ժողովրդական հեքիաթներից "Բարեկենդան"-ի` Հովհաննես Թումանյանի հայտնի ստեղծագործության ինքնատիպ ներկայացումն էր՝ մանուկների յուրօրինակ բեմախաղով:  
Հյուրընկալ դահլիճում սաները հանդիսատեսին ներկայացրեցին իրենց յուրացրած գիտելիքներն ու ունակությունները` երգի պարի ասմունքի և կատարողական արվեստի այլ ձևերում:
Դաստիարակչական թեման զուգակցված էր յուրահատուկ հումորին և ուղեկցվում էր երեխաների գեղեցիկ կատարումներով:
Թիվ 116 մանկապարտեզի ավարտական միջոցառումը մանկական ժպիտների, անկեղծ զգացմունքների և հույզերի կատարյալ հրավառություն էր, որը ստիպեց հյուրերին մի պահ կտրվել առօրյա խնդիրներից և տեղափոխվել երեխաների` հրաշքներով լի մոլորակ:
Ավարտական հադիսության վերջում սաները ծածանեցին հայոց եռագույնը, որպես հայ ինքնության, պետականության և անկախության առհավատչյա:
Միջոցառումն արժանացավ հանդիսատեսի հիացական ծափողջուններին, ինչը մեկ անգամ ևս վկայում էր, որ միջոցառումը կայացած էր:
Թիվ 116 մանկապարտեզի ավարտական միջոցառմանը հաջորդեց Նոր Նորք վարչական շրջանի ղեկավարի և կրթության, մշակույթի ու սպորտի բաժնի պետ Արմեն Ալավերդյանի շրջայցը  խմբասենյակներ, միջանցքներ, խոհանոց, սանհանգույցներ: Ուսումնասիրվեցին երեխաների համար ստեղծված անհրաժեշտ պայմանները` տալով անհրաժեշտ ցուցումներ:  
Ի դեպ, մանկապարտեզը Երևանի քաղաքապետարանի կողմից կապիտալ նորոգվել և համալրվել է արդիական գույքով:
Շրջելով երեխաների փոքրիկ աշխարհում՝ մեկ անգամ ևս համոզվում ես, որ լույսի այս պայծառ շողերն են նոր շունչ և իմաստ տալիս աշխարհին` լցնելով այն պայծառ գույներով:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ՆՈՐ ՆՈՐՔ ՎԱՐՉԱԿԱՆ ՇՐՋԱՆԻ ՂԵԿԱՎԱՐ ԱՐՄԵՆ ՈՒԼԻԽԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՀ ՍԱՀՄԱՆԱԴՐՈՒԹՅԱՆ ՕՐՎԱ ԱՌԹԻՎ

Շնորհավորում եմ բոլորիս ՀՀ Սահմանադրության օրվա առթիվ:
2005 թվականի բարեփոխումների արդյունքում այսօր մենք ունենք Սահմանադրություն, որը բավարարում է միջազգային ամենախիստ չափանիշներին:  
Այն լավագույն Սահմանադրություններից մեկն է, քանի որ լիարժեքորեն պաշտպանում է անձի իրավունքները: Դա ոչ միայն պատվաբեր է, այլև` պարտավորեցնող:  
Սահմանադրական ամուր հիմքերի շնորհիվ մենք ունենք բոլոր նախադրյալները ժողովրդավարության, քաղաքացիական հասարակության ու իրավական պետության կայացման համար:
Կրկին անգամ շնորհավորում եմ ողջ հայությանը երկրի Մայր օրենքի՝ ՀՀ Սահմանադրության 17-ամյակի կապակցությամբ:

ԱՄԱՌԱՅԻՆ ՀԱՆԳԻՍՏ ԾԱՂԿԱՁՈՐԻ "ԱՂԲՅՈՒՐ" ՃԱՄԲԱՐՈՒՄ

Այսօր՝ 01.07.2012թ., Նոր Նորքի 45 երեխա վարչական շրջանի ղեկավար Արմեն Ուլիխանյանի և աշխատակազմի կրթության, մշակույթի, սպորտի բաժնի պետ Արմեն Ալավերդյանի ուղեկցությամբ մեկնեց Ծաղկաձորի " Աղբյուր" ճամբար՝ անցկացնելու իր ամառային հանգիստը: Նոր Նորք վարչական շրջանի ղեկավարը Ծաղկաձոր մեկնող երեխաներին մաղթեց բարի ճանապարհ և լիակատար հանգիստ՝ նվիրելով նրանց հետաքրքրաշարժ խաղեր և նկարչական պարագաներ: 
Ավանդական բնույթ ստացած ծրագիրն իրականացվում է կառավարության կողմից և ֆինանսավորվում պետական բյուջեի միջոցներով: Ճամբարը նախատեսված է որոշակի կարգավիճակ ունեցող ընտանիքների 7-13 տարեկան երեխաների համար, 
որոնց թվում են զոհված եւ վիրավոր ազատամարտիկների, սոցիալապես անապահով, նպաստառու, միակողմանի եւ երկկողմանի ծնողազուրկ, բազմազավակ ընտանիքները: 
Նախօրոք ուսումնասիրվել է վարչական շրջանում առկա համանման կարգավիճակ ունեցող երեխաների ցանկը, որպեսզի հանգստացողների մեջ ընդգրկվեն առավել կարիքավորները: 
Ծաղկաձորի "Աղբյուր" ճամբարում երեխաները կհանգստանան 20 օր՝ մինչև հուլիսի 20-ը, որից հետո ճամբար կմեկնի երկրորդ հերթում ընդգրկված ևս 45 երեխա, ովքեր ճամբարում կհանգստանան հուլիսի 20-ից մինչև օգոստոսի 9-ը:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©