ՄԱՔՐՄԱՆ ԵՎ ԲԱՐԵԿԱՐԳՄԱՆ ԱՇԽԱՏԱՆՔՆԵՐ ՆՈՐ ՆՈՐՔՈՒՄ 16.06.2012

Գեղեցիկ և բարեկարգ միջավայրը բնորոշում է տվյալ ազգի կենցաղն ու ապրելակերպը. Ուստի յուրաքանչյուրս պետք է հետևենք և առավել զգոն լինենք մեր միջավայրի մաքրության հարցում` լինի դա մեր տունը, բակը, այգին կամ բոլորիս հարազատ Երևանն ու մեր չնաշխարհիկ երկիր Հայաստանը:
Այս առումով Նոր Նորք վարչական շրջանում հունիսի 16-ին վաղ առավոտից մեկնարկեցին տարածքի մաքրման և բարեկարգման աշխատանքները, որոնց մասնակցում էին Երևան քաղաքի բոլոր վարչական շրջաններում սանիտարական մաքրման աշխատանքներ իրականացնող համայքային ենթակայության 12 կազմակերպություններ` գործի դնելով իրենց տեխնիկական և մարդկային ողջ ռեսուրսները:

Նոր Նորք վարչական շրջանի ղեկավար Արմեն Ուլիխանյանի անմիջական վերահսկողությամբ նախապես ծրագրավորված օրակարգի համաձայն շրջայց կազմակերպվեց Նոր Նորքի տարբեր զանգվածներ և թաղամասեր: Վարչական շրջանի ղեկավարի աշխատակազմը տեղում ծանոթացավ առկա խնդիրներին` տալով համապատասխան հանձնարարականներ բնակչության բարձրացրած հարցերին շուտափույթ լուծում տալու համար:
Նոր Նորքում իրականացվող աղբահանության, բարեկարգման և սանիտարական մաքրման աշխատանքները համատարած բնույթ ունեին և իրականացվում էին ինչպես բանուկ տարածքներում, այնպես էլ բակերում խաղահրապարակներում և պուրակներում:
Մաքուր պահենք մեր քաղաքը, և միասնական ջանքերով նպաստենք օրեցօր գեղեցկացող և արդիական շունչ ստացող քաղաքամայր Երևանի զարգացմանը:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

"ԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔ" ՄՐՑՈՒՅԹԸ ՆՈՐ ՆՈՐՔՈՒՄ

Առողջ ապրելակերպի գաղափարի տարածումը պետության ռազմավարական կարևոր խնդիրներից է: Այս առումով ուշագրավ է "Լավագույն մարզական ընտանիք" նախագահի մրցանակի համար անցկացվող ամենամյա մրցույթը, որը մեկնարկեց նաև Նոր Նորք վարչական շրջանում: 

Ընտանիքը պետության կայացման հիմքն է, իսկ առողջ ընտանիքը ամուր հասարակության գրավականը: Նոր Նորքի մարզական ընտանիքները "Լավագույն մարզական ընտանիք" մրցույթի համայնքային փուլում դրսևորեցին իրենց մարզական ունակությունները` ապահովելով աշխույժ ու առողջ մրցակցություն: Առաջին փուլն անցած ընտանիքները իրենց մարզական ունակությունները կդրսևորեն նաև մարզային և հանրապետական փուլերում, իսկ հաղթողները կարժանանան ՀՀ նախագահի մրցանակին:
Առողջ հոգի առողջ մարմնում, առողջ ընտանիք զարգացող և ամուր երկրում:

ԳՐՔԻՆ ՆՎԻՐՎԱԾ ՄԻՋՈՑԱՌՈՒՄՆԵՐ՝ ՆՈՐ ՆՈՐՔԻ ԿԵՆՏՐՈՆԱԿԱՆ ԳՐԱԴԱՐԱՆՈՒՄ

 

Երևանը գրքի համաշխարհային մայրաքաղաք հռչակելու կապակցությամբ Նոր Նորք վարչական շրջանի կենտրոնական գրադարանը կազմակերպել և իրականացնում է ուշագրավ միջոցառումների մի ամբողջ շարք՝ “Երեխաների պաշտպանության օրը”,  “Երեխաները և գրքերը”,  “Գիրքը 500 տարեկան է”: Այցելություններ են կազմակերպվում նաև մշակութային տարբեր վայրեր՝ Մատենադարան, Սևակավան՝ Պարույր Սևակի տուն թանգարան, որտեղ Նոր Նորքի կենտրոնական գրադարանի ընթերցողներն ու աշխատակազմը 

հաղորդակցվում են հայ գրական և մշակութային բարձր արժեքներին:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԱՇԽԱՐՀԻ ՊԱՅԾԱՌ ԳՈՒՅՆԵՐԸ՝ ԵՐԵԽԱՆԵՐԻ ՕՐԸ ՆՈՐ ՆՈՐՔՈՒՄ

Երեխաները աշխարհի պայծառ գույներն են. նրանց արևաշող աչքերում երջանկության ցոլքեր տեսնելը ոչ միայն իմաստ ու նպատակ է հաղորդում մեր կյանքին, այլև ստիպում է արարել ու ստեղծագործել, գնահատել և արժևորել մեր գոյությունն ու կյանքի խորհուրդը:

Հունիսի 1-ը՝ երեխաների պաշտպանության միջազգային օրը, լավագույն առիթ է վերաարժևորելու այս հրաշք էակների դերը մեր կյանքում: Օրը ևս խորհրդանշական է, չէր նրանք իրենց անկեղծ հոգով և ժպիտներով ամառային ջերմություն են հաղորդում մեր կյանքին:

Հունիսի 1-ի առթիվ կազմակերպված բազմաբնույթ միջոցառումների ծաղկաբույլում ուշագրավ էին նաև Նոր Նորք վարչական շրջանում իրականացված  տոնական ձեռնարկները, որոնք մեկնարկեցին վաղ առավոտից և շարունակվեցին մինչև ուշ երեկո:

Նոր Նորքի վարչական շենքի բակը լցվել էր մանուկների խինդ ու ծիծաղով, անկեղծ ու գոհունակ ժպիտների հրավառությամբ: Նախադպրոցական ուսումնական հաստատությունների սաները մասնակցում էին կավճանկար մրցույթին՝ իրենց անսահման երևակայության թռիչքն արտահայտելով  գույների միջոցով:

 Նոր Նորքի կրթության, մշակույթի և սպորտի բաժնի կողմից հատկացվել էին նաև համապատասխան պարագաներով հագեցած սեղաններ, որտեղ երեխաները ջրաներկի և գիպսի համադրությամբ ստեղծում էին գեղեցիկ արվեստի նմուշներ՝ դրսևորելով իրենց ստեղծագործական ունակությունները:

Նոր Նորք վարչական շրջանի Մշակույթի կենտրոնի կողմից կազմակերպվել էր գեղեցիկ համերգային ծրագիր, որին իրենց սպասված ներկայությամբ հեքիաթային գույներ հաղորդեցին բոլորիս ծանոթ մուլֆիլմերի հերոսները: 
Տոնական ծրագիրն ուղեկցվեց նաև մշակույթի կենտրոնի սաների ձեռքի աշխատանքների և նկարչական գործերի ցուցադրությամբ:

Երեխաների պաշտպանության միջազգային օրվա տոնական արարողությանը ներկա էր նաև Նոր Նորք վարչական շրջանի ղեկավար Արմեն Ուլիխանյանը: Ծանոթանալով ցուցահանդեսում ներկայացված աշխատանքներին նա հիացմունք հայտնեց երեխաների ստեղծագործական ունակությունների վերաբերյալ:

Բակային միջոցառման ավարտին սաները օդապարիկներ բաց թողեցին դեպի երկինք աշխարհում սփռելու խաղաղություն և մանկան մաքրություն:

 Տոնական ծրագիրը շարունակվեց Նոր Նորքի վարչական շենքի դահլիճում, որտեղ օրվա հերոսները թիվ 98 նախադպրոցական ուսումնական հաստատութան սաներն էին: Մշակույթի միջոցով մանուկները ազգերին համերաշխության կոչ էին անում՝ ներկայացնելով տարբեր ժողովուրդների երգն ու պարը:

Մշակույթը համախմբում է բոլոր ազգերին՝ ընդգծելով նրանց առանձնահատկություններն ու նմանությունները: Արվեստի լեզվով սաները կամուրջ ձգեցին երկրների միջև՝ ամբողջացնելով օրվա տոնական խորհուրդը:

Հունիսմեկյան միջոցառումները շարունակվեցին նաև Նոր Նորքի 8-րդ զանգվածի Նոր աստղ հաշմանդամ երեխաների ծնողների միություն հասարակական կազմակերպությունում:

Սաների մասնակցությամբ կազմակերպվել էր տիկնիկային ներկայացում, որի ավարտին վարչական շրջանի ղեկավարի աշխատակազմի ներկայացուցիչները նվերներ բաժանեցին փոքրիկներին՝ մաղթելով խաղաղ և գեղեցիկ մանկություն:

Երեխաները մեր ապագան են, երջանկությունը: Այս փոքրիկ հրաշքները մաքրագործում են աշխարհն ու իրենց քնքուշ ժպիտներով նոր իմաստ հաղորդում կյանքին:

Շնորհավո'ր Ձեր տոնը, սիրելի երեխաներ, թո'ղ ձեր մանկության երկնակամարում մշտապես թևածեն խաղաղության և երջանկության ճերմակ աղավնիները: 

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԱՎԱՐՏԱԿԱՆ ՎԵՐՋԻՆ ԶԱՆԳԻ ՂՈՂԱՆՋՆԵՐԸ ՆՈՐ ՆՈՐՔՈՒՄ

Մայիսի 25-ին Հայաստանում կրկին անգամ ազդարարվեցին վերջին զանգի ավետաբեր ղողանջները: Հայերիս կյանքում այս արարողությունը խորին խորհուրդ ունի, չէ որ հազարամյակներ ի վեր կրթության հանդեպ մեծ սեր և ակնածանք տածող ազգը պատմության դժվարին հոլովույթում իր անցնելիք ուղին մշտապես լուսավորել է դպրության հրով:
Այս առումով ուշագրավ էին Նոր Նորք վարչական շրջանի հանրակրթական դպրոցներում կազմակերպված տոնական միջոցառումները, որոնցից մի քանիսին իր սպասված այցելությամբ հյուրընկալվեց նաև Նոր Նորք վարչական շրջանի նորանշանակ ղեկավար Արմեն Ուլիխանյանը:
Հուզմունքի և ուրախության անթաքույց զգացումներով աշակերտները հրաժեշտ էին տալիս իրենց հարազատ կրթօջախներին, որոնք տարիներ շարունակ իմացության բարեբեր հունդեր են սերմանել իրենց սաների հոգում, կրթել են ու դաստիարակել, ուղեկից եղել նրանց կյանքի անհոգ և ամենագեղեցիկ տարիներին: 

Նոր Նորքի կրթօջախներում ազդարարվող ավարտական վերջին զանգի ղողանջներն արտահատում էին նաև հայ ժողովրդի ազատության և հաղթական պայքարի գաղափարը, քանի որ այսօրվա սերունդներին է ժառանգվում նվիրյալ հերոսների սխրանքի արդյունքում նվաճված հայոց անկախ երկիրը, որի նորօրյա պատմության անմիջական կերտողը պետք է լինեն և մարմին տան մեր պապերի երազած հզոր Հայաստանի տեսլականին:
Նոր Նորք վարչական շրջանի ղեկավարի աշխատակազմը, ի դեմս Արմեն Ուլիխանյանի` շնորհավորելով շրջանավարտներին հորդորեց որպես հավերժ պատգամ ունկնդիր լինել դարերի ձայնին և կյանքի ամեն բնագավառում հետևորդը դառնալ իրենց ուսուցիչների սերմանած բարձր գաղափարների:
Վերջին զանգը յուրաքանչյուրիս կյանքում ասես նոր կյանքի սկիզբ է ազդարարում, որի արահետները ձգվում են իմացության լայն հորիզոններ:
Հրաժեշտ տալով մանկապատանեկան հասակին` շրջանավարտները այսօր ոտք են դնում հասունության մի շեմ, որտեղ պետք է դրսևորվեն որպես ինքնուրույն անձիք: Կրթօջախներում ամբարած գիտելիքներով, հույսերով և երազանքներով աշակերտներն անկեղծ սիրո խոսքեր հղեցին բոլոր ուսուցիչներին, ովքեր իրենց հոգու և մտքի լուսավոր գանձարանի գոհարներն են սփռել սաների անցնելիք ճանապարհին:
Դպրոցական հարազատ զանգի վերջին ղողանջի հետ շրջանավարտները հրաժեշտ տվեցին իրենց վարդագույն երազներով լեցուն մանկությանը` պատրաստվելով կյանքի թևեր տալ այդ երազներին` բարձր ճախրանքի հավատով:
Բարի երթ Ձեր կյանքի մեծ ճանապարհին, սիրելի շրջանավարտներ:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ՀԱՄԲԱՐՁՄԱՆ ՏՈՆԸ ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

Նոր Նորք վարչական շրջանում մեծ շուքով նշվեց Համբարձման տոնը, որը հայտնի է նաև «Վիճակ» կամ «Ջանգյուլում» անվանումներով: Այս առումով Նոր Նորք վարչական շրջանի Սուրբ Սարգիս եկեղեցու ծխական խորհրդի նախաձեռնությամբ, որի կազմը համալրում է նաև վարչական շրջանի ղեկավար Մելիք Գասպարյանը կազմակերպվել էր ուշագրավ միջոցառում: Այն իր շուրջն էր համախմբել Նոր Նորքի նախադպրոցական, հանրակրթական և արտադպրոցական ուսումնական հաստատությունների սաներին:

Տոնը մեկնարկեց կավճանկար մրցույթով, որի մասնակիցները վարչական շրջանի փոքրիկ ներկայացուցիչներն էին: Այնուհետև Նոր Նորքի Սուրբ Սարգիս եկեղեցու հոգևոր հայրերի ուղեկցությամբ հավատացյալների թափորն ուղևորվեց եկեղեցու հարակից լանջը, որտեղ իրականացվեց միջոցառման բուն արարողությունը:
Ծաղկեպսակներով և տոնին հատուկ զգեստներով Նոր Նորք վարչական շրջանի պատանիներն ու աղջիկները բեմականացրեցին Համբարձման խորհուրդը, որն ուղեկցվեց հայկական ժողովրդական պարերով և երաժշտական կատարումներով:

197 դպրոց

Կավճանկար մրցույթ

Մայր աթոռ Սբ. Էջմիածնի Նոր Նորքի հայորդաց տուն

142 դպրոց

ՄԱՅԻՍԻ 9-Ը ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

       Մայիսի 9-ին` հաղթանակի և խաղաղության տոնի առթիվ, Նոր Նորքի վետերանների խորհուրդը ավանդույթի համաձայն վարչական շրջանի ղեկավար Մելիք Գասպարյանի առաջնորդությամբ  ուղևորվեց Հաղթանակ զբոսայգի` ծաղկեպսակ դնելու երկրորդ աշխարհամարտի մարտադաշտում և Շուշիի ազատագրման պայքարում իրենց կյանքը ներդրած հայորդիների հիշատակին: Ամենամյա բնույթ կրող արարողությունը այս տարի սկիզբ առավ Արծիվ հուշարձանի պուրակից, որտեղ վարչական շրջանի ղեկավարի աշխատակազմը Մելիք Գասպարյանի գլխավորությամբ, ծաղկեպսակ դրեց և հարգանքի տուրք մատուցեց հայ զինվորների և զորավարների հիշատակին: Այնուհետև Նոր Նորքի վետերանների հետ միասին Նոր Նորք վարչական շրջանի կողմից հաղթանակի 67-րդ տարեդարձի առթիվ ծաղկեպսակ դրվեց  հիշատակի հուշաքարին, որպես  գնահատանքիև արժևորման առհավատչյա: Նոր Նորքի ներկայացուցիչները գլուխ խոնարհեցին այն բազմահազար հայորդիների հիշատակի առջև, ովքեր իրենց կյանքը զոհեցին հանուն այսօրվա խաղաղության:  

Մայիսյան մեծագույն հաղթանակներով կերտվեցին խաղաղության այն ամուր հենասյուները, որոնց վրա խոյանում են ազատ, անկախ, զարգացման և շենացման ուղիով քայլող երկրի հիմքերը: Հաղթանակ, որը շատերի համար կյանքի գին արժեցավ:

Ամեն տարի յուրաքանչյուրս առիթ ենք ունենում գնահատելու և վերաիմաստավորելու մեր պատմական հաղթանակները, որոնք միասնության ու համախմբվածության, ազգային ոգու և արժանապատվության դրսևորման արդյունք են: Նոր Նորք վարչական շրջանի վետերանների խորհուրդը, անցնելով պատերազմի պարունակներով, այսօր վաստակած խաղաղությունն ու ազատությունը վեր է դասում ամեն ինչից: Հիշատակի հարգանքի նման արարողությունները, որոնք կազմակերպվում են Նոր Նորք վարչական շրջանի ղեկավար Մելիք Գասպարյանի օժանդակության և մշտական հոգածության արդյունքում հայրենիքի պաշտպաններին ուղղված անկեղծ գնահատականներից են:

Մայիսյան հաղթանակների առթիվ Նոր Նորք վարչական շրջանում սկիզբ առած ռազմահայրենասիրական միջոցառումները շարունակական ընթացք կունենան նախադպրոցական, հանրակրթական և արտադպրոցական ուսումնական հաստատություններում ` նոր սերնդին հաղորդակից դարձնելով մեր պատմական հաղթանակներին և նվաճումներին:

Փա՛ռք Ձեզ, խաղաղության կերտման հայոց մարտիկներ: 

 

  Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԳԱՅԻ ԲՐՈՆԶԱՁՈՒՅԼ ՁԻԱՐՁԱՆԻ ԱՌԵՂԾՎԱԾԸ

Պարզվում է, որ Նոր Նորքի բարձունքում գտնվող Գայի բրոնզաձույլ ձիարձանն աշխարհում ամենամեծն է ու ամենաբարձրը` հենված 2 ոտքի վրա: Այդ մասին անգամ մասնագետները չեն խոսում, մինչդեռ այն բացառիկ աշխատանք է:
Գայի արձանը կշռում է 30 տոննա, պատվանդանի հետ միասին` ունի 12.5 մետր բարձրություն: Այս վիթխարի աշխատանքը հեղինակել է քանդակագործ Սուրեն Նազարյանը՝ 1974-75 թվականներին: Հայ քանդակագործի հետ աշխատել են վարպետ ձուլողներ՝ Կիեւից: Նրանցից է Վիտալի Լիխովիդսկին, ով 37 տարի անց դարձյալ Հայաստանում է եւ առանձնակի ջերմությամբ է հիշում այդ տարիներն ու այդ աննախադեպ աշխատանքը: 

"Մոսկովյան ու լենինգրադյան ձուլման գործարանները հրաժարվել էին ձուլվել Երեւանում քանդակած հսկա ձիարձանը: Ես` իմ խմբով, ստանձնեցի այդ պատասխանատվությունը, ու մենք եկանք Երեւան: Երկու ընկերներն արդեն չկան, մեզ հետ չէ նաեւ արձանի քանդակագործը, բայց երազանքս էր` դարձյալ գալ Երեւան ու տեսնել Գայի արձանը",- ասաց Վիտալի Լիխովիդսկին։ 

Հաճախ ժամադրվելու համար միայն "Գայի արձան" ասելը բավարար է: Գայի արձանի տեղը գիտեն բոլորը, Գայի մասին` գրեթե ոչ ոք: Ռազմական ճանաչված գործիչ Հայկ Բժշկյանը, լինելով հայ կամավորական շարժման մեջ, մասնակցել է Էրզրումի, Մուշի կռիվներին: Իսկ Գայ մականունը, որը "հայ" բառի ռուսերեն տառադարձումն է, Հայկ Բժշկյանը ստացել է Ռուսաստանում քաղաքացիական պատերազմի տարինեին: Նրա հրամանատարությամբ գործող դիվիզիան տարած հաղթանակների եւ բարձր կարգապահության համար կոչվել է "Երկաթե դիվիզիա": Անհատի պաշտամունքի տարիներին, սակայն, մտավորականներին զուգահեռ` գլխատվում են նաեւ ռազմական այն գործիչները, ում շնորհիվ կայացել էր երկիրը: 1937-ին անհիմն բռնադատվում եւ մեկ տարի անց գնդակահարվում է նաեւ Գայը:

Տարիներ անց նրա հիշատակին կանգնեցվում է հուշարձան՝ Ուլյանովսկում, նաեւ՝ Երեւանում:  

"Բացումը 1978 թվականին էր, բայց դրանից առաջ` շուրջ կես տարի, արձանը ուկրաինական տեխնոլոգիայով ձուլել էինք: Այս տարիներին ես արձագանքների էի սպասում, որովհետեւ աշխարհում նման ձիարձան չկա, մինչդեռ դրա մասին ոչ միայն հայ ժողովուրդը չգիտի, այլեւ մասնագետներն են լռում",- ասաց ձուլող-վարպետ  Վիտալի Լիխովիդսկին։ 

Քանդակագործ Գագիկ Ղազարյանը խոստովանում է` բրոնզաձույլ այս հուշարձանի եզակիությունն իր համար էլ բացահայտում է. "Երեւանում, Հայաստանում դրված մեր քանդակների մասին որեւէ մենագրություն չկա, որտեղ բացահայտվի պարամետրերը, հեղինակը, որ թվականին, որտեղ է դրվել":

Ձիարձանը քանդակելու հնարավորությունը Սուրեն Նազարյանը մրցույթով էր շահել: Քանդակագործի այրին հիշում է` ինչպես թղթե գծանկարն իրականություն դարձավ: Այսօր արդեն հուշարձանի հարակից պուրակը Սուրեն Նազարյանի անունով է: 

Մի քանի օրից ուկրաինացի վարպետ-ձուլողը կվերադառնա Կիեւ` Երեւանում թողնելով իր համար այնքան հարազատ ու արժեքավոր այս աշխատանքը` երազելով, որ մի օր ժողովուրդն այն կգնահատի, իսկ աշխարհը` կճանաչի:

Նյութի հեղինակայն իրավունքները պատկանում են ՝ http://www.yerkirmedia.am