ՆՈՐ ՆՈՐՔ ԼՈԻՐԵՐ

ՀԱՄԲԱՐՁՄԱՆ ՏՈՆԸ ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

Նոր Նորք վարչական շրջանում մեծ շուքով նշվեց Համբարձման տոնը, որը հայտնի է նաև «Վիճակ» կամ «Ջանգյուլում» անվանումներով: Այս առումով Նոր Նորք վարչական շրջանի Սուրբ Սարգիս եկեղեցու ծխական խորհրդի նախաձեռնությամբ, որի կազմը համալրում է նաև վարչական շրջանի ղեկավար Մելիք Գասպարյանը կազմակերպվել էր ուշագրավ միջոցառում: Այն իր շուրջն էր համախմբել Նոր Նորքի նախադպրոցական, հանրակրթական և արտադպրոցական ուսումնական հաստատությունների սաներին:

Տոնը մեկնարկեց կավճանկար մրցույթով, որի մասնակիցները վարչական շրջանի փոքրիկ ներկայացուցիչներն էին: Այնուհետև Նոր Նորքի Սուրբ Սարգիս եկեղեցու հոգևոր հայրերի ուղեկցությամբ հավատացյալների թափորն ուղևորվեց եկեղեցու հարակից լանջը, որտեղ իրականացվեց միջոցառման բուն արարողությունը:
Ծաղկեպսակներով և տոնին հատուկ զգեստներով Նոր Նորք վարչական շրջանի պատանիներն ու աղջիկները բեմականացրեցին Համբարձման խորհուրդը, որն ուղեկցվեց հայկական ժողովրդական պարերով և երաժշտական կատարումներով:

197 դպրոց

Կավճանկար մրցույթ

Մայր աթոռ Սբ. Էջմիածնի Նոր Նորքի հայորդաց տուն

142 դպրոց

ՄԱՅԻՍԻ 9-Ը ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

Մայիսի 9-ին` հաղթանակի և խաղաղության տոնի առթիվ, Նոր Նորքի վետերանների խորհուրդը ավանդույթի համաձայն վարչական շրջանի ղեկավար Մելիք Գասպարյանի առաջնորդությամբ ուղևորվեց Հաղթանակ զբոսայգի` ծաղկեպսակ դնելու երկրորդ աշխարհամարտի մարտադաշտում և Շուշիի ազատագրման պայքարում իրենց կյանքը ներդրած հայորդիների հիշատակին: Ամենամյա բնույթ կրող արարողությունը այս տարի սկիզբ առավ Արծիվ հուշարձանի պուրակից, որտեղ վարչական շրջանի ղեկավարի աշխատակազմը Մելիք Գասպարյանի գլխավորությամբ, ծաղկեպսակ դրեց և հարգանքի տուրք մատուցեց հայ զինվորների և զորավարների հիշատակին: Այնուհետև Նոր Նորքի վետերանների հետ միասին Նոր Նորք վարչական շրջանի կողմից հաղթանակի 67-րդ տարեդարձի առթիվ ծաղկեպսակ դրվեց հիշատակի հուշաքարին, որպես գնահատանքիև արժևորման առհավատչյա: Նոր Նորքի ներկայացուցիչները գլուխ խոնարհեցին այն բազմահազար հայորդիների հիշատակի առջև, ովքեր իրենց կյանքը զոհեցին հանուն այսօրվա խաղաղության:

Մայիսյան մեծագույն հաղթանակներով կերտվեցին խաղաղության այն ամուր հենասյուները, որոնց վրա խոյանում են ազատ, անկախ, զարգացման և շենացման ուղիով քայլող երկրի հիմքերը: Հաղթանակ, որը շատերի համար կյանքի գին արժեցավ:

Ամեն տարի յուրաքանչյուրս առիթ ենք ունենում գնահատելու և վերաիմաստավորելու մեր պատմական հաղթանակները, որոնք միասնության ու համախմբվածության, ազգային ոգու և արժանապատվության դրսևորման արդյունք են: Նոր Նորք վարչական շրջանի վետերանների խորհուրդը, անցնելով պատերազմի պարունակներով, այսօր վաստակած խաղաղությունն ու ազատությունը վեր է դասում ամեն ինչից: Հիշատակի հարգանքի նման արարողությունները, որոնք կազմակերպվում են Նոր Նորք վարչական շրջանի ղեկավար Մելիք Գասպարյանի օժանդակության և մշտական հոգածության արդյունքում հայրենիքի պաշտպաններին ուղղված անկեղծ գնահատականներից են:

Մայիսյան հաղթանակների առթիվ Նոր Նորք վարչական շրջանում սկիզբ առած ռազմահայրենասիրական միջոցառումները շարունակական ընթացք կունենան նախադպրոցական, հանրակրթական և արտադպրոցական ուսումնական հաստատություններում ` նոր սերնդին հաղորդակից դարձնելով մեր պատմական հաղթանակներին և նվաճումներին:

Փա՛ռք Ձեզ, խաղաղության կերտման հայոց մարտիկներ:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԳԱՅԻ ԲՐՈՆԶԱՁՈՒՅԼ ՁԻԱՐՁԱՆԻ ԱՌԵՂԾՎԱԾԸ

Պարզվում է, որ Նոր Նորքի բարձունքում գտնվող Գայի բրոնզաձույլ ձիարձանն աշխարհում ամենամեծն է ու ամենաբարձրը` հենված 2 ոտքի վրա: Այդ մասին անգամ մասնագետները չեն խոսում, մինչդեռ այն բացառիկ աշխատանք է:
Գայի արձանը կշռում է 30 տոննա, պատվանդանի հետ միասին` ունի 12.5 մետր բարձրություն: Այս վիթխարի աշխատանքը հեղինակել է քանդակագործ Սուրեն Նազարյանը՝ 1974-75 թվականներին: Հայ քանդակագործի հետ աշխատել են վարպետ ձուլողներ՝ Կիեւից: Նրանցից է Վիտալի Լիխովիդսկին, ով 37 տարի անց դարձյալ Հայաստանում է եւ առանձնակի ջերմությամբ է հիշում այդ տարիներն ու այդ աննախադեպ աշխատանքը:

"Մոսկովյան ու լենինգրադյան ձուլման գործարանները հրաժարվել էին ձուլվել Երեւանում քանդակած հսկա ձիարձանը: Ես` իմ խմբով, ստանձնեցի այդ պատասխանատվությունը, ու մենք եկանք Երեւան: Երկու ընկերներն արդեն չկան, մեզ հետ չէ նաեւ արձանի քանդակագործը, բայց երազանքս էր` դարձյալ գալ Երեւան ու տեսնել Գայի արձանը",- ասաց Վիտալի Լիխովիդսկին։

Հաճախ ժամադրվելու համար միայն "Գայի արձան" ասելը բավարար է: Գայի արձանի տեղը գիտեն բոլորը, Գայի մասին` գրեթե ոչ ոք: Ռազմական ճանաչված գործիչ Հայկ Բժշկյանը, լինելով հայ կամավորական շարժման մեջ, մասնակցել է Էրզրումի, Մուշի կռիվներին: Իսկ Գայ մականունը, որը "հայ" բառի ռուսերեն տառադարձումն է, Հայկ Բժշկյանը ստացել է Ռուսաստանում քաղաքացիական պատերազմի տարինեին: Նրա հրամանատարությամբ գործող դիվիզիան տարած հաղթանակների եւ բարձր կարգապահության համար կոչվել է "Երկաթե դիվիզիա": Անհատի պաշտամունքի տարիներին, սակայն, մտավորականներին զուգահեռ` գլխատվում են նաեւ ռազմական այն գործիչները, ում շնորհիվ կայացել էր երկիրը: 1937-ին անհիմն բռնադատվում եւ մեկ տարի անց գնդակահարվում է նաեւ Գայը:

Տարիներ անց նրա հիշատակին կանգնեցվում է հուշարձան՝ Ուլյանովսկում, նաեւ՝ Երեւանում:

"Բացումը 1978 թվականին էր, բայց դրանից առաջ` շուրջ կես տարի, արձանը ուկրաինական տեխնոլոգիայով ձուլել էինք: Այս տարիներին ես արձագանքների էի սպասում, որովհետեւ աշխարհում նման ձիարձան չկա, մինչդեռ դրա մասին ոչ միայն հայ ժողովուրդը չգիտի, այլեւ մասնագետներն են լռում",- ասաց ձուլող-վարպետ Վիտալի Լիխովիդսկին։

Քանդակագործ Գագիկ Ղազարյանը խոստովանում է` բրոնզաձույլ այս հուշարձանի եզակիությունն իր համար էլ բացահայտում է. "Երեւանում, Հայաստանում դրված մեր քանդակների մասին որեւէ մենագրություն չկա, որտեղ բացահայտվի պարամետրերը, հեղինակը, որ թվականին, որտեղ է դրվել":

Ձիարձանը քանդակելու հնարավորությունը Սուրեն Նազարյանը մրցույթով էր շահել: Քանդակագործի այրին հիշում է` ինչպես թղթե գծանկարն իրականություն դարձավ: Այսօր արդեն հուշարձանի հարակից պուրակը Սուրեն Նազարյանի անունով է:

Մի քանի օրից ուկրաինացի վարպետ-ձուլողը կվերադառնա Կիեւ` Երեւանում թողնելով իր համար այնքան հարազատ ու արժեքավոր այս աշխատանքը` երազելով, որ մի օր ժողովուրդն այն կգնահատի, իսկ աշխարհը` կճանաչի:

Նյութի հեղինակայն իրավունքները պատկանում են ՝ http://www.yerkirmedia.am

ՀՀ ՆԱԽԱԳԱՀ, ՀՀԿ ԱՌԱՋՆՈՐԴ Ս.ՍԱՐԳՍՅԱՆԻ ԱՅՑԸ ՆՈՐ ՆՈՐՔ

Իշխող կուսակցության ղեկավարը ապրիլի 23-ին հանդիպել է Նոր Նորքի ընտրողների հետ: Սերժ Սարգսյանը ասել է, որ ժամանակն է հավատալու և փոխելու այն, ինչ ուզում ենք և կարող ենք: Ըստ նրա՝ այս ընտրություններով կարող ենք ընդառաջ գնալ քաղաքական մշակույթի այն որակներին, որոնք վստահաբար իշխելու են վաղվա Հայաստանում: ՀՀԿ Նոր Նորքի ընտրատարածքը սատարում է մեծամասնական ընտրակարգով առաջադրված Սամվել ֆարմանյանին:
-Ժամանակն է փոխել Հայաստանի քաղաքական կյանքի մթնոլորտը մայրաքաղաքի ամենամեծ և ամենաերիտասարդ համայնքում,- հայտարարեց Հայաստանի իշխող կուսակցության առաջնորդը,-Նոր նորքում միախառնվել է հայ ժողովրդի մշակութային հատկությունն ու ժառանգությունը, միաժամանակ այս համայնքը ամենամիասնականն է և մշտապես դրական դեր է ունեցել Երևանի ամենատարբեր հիմնախնդիրների լուծման հարցում:

Հայաստանում դրական մթնոլորտ և համաձայնության քաղաքական մշակույթ հաստատելու հարցում հանրապետականը չունի այլընտրանք:
Կուսակցության առաջնորդի խոսքով՝ վերջին տարիներին հաջողվել է մեղմել քաղաքական պառակտվածությունը երկրում և գալիք ընտրությունները կառավարող կուսակցությունում դիտարկում են հենց այս համատեքստում:
Սերժ Սարգսյանը հայտարարեց, որ կուսակցությունը շարունակելու է հավատարիմ մնալ վարած քաղաքականությանը՝ համագործակցության եզրեր փնտրելով և ներգրավվելով քաղաքական ամենատարբեր միավորների, որոնց համար առաջնայինը երկրի զարգացման նպատակն է:
Նոր Նորքում Սերժ Սարգսյանը խոսեց նաև տնտեսության զարգացման խնդիրներից՝ ընդգծելով, որ գործառուների համար առավելագույնս կպարզեցվի հարկային վարչարարությունը:
Հանրապետականը կուսակցության առաջնորդի խոսքով՝ միասնական կհաղթահարվեն բոլոր խոչընդոտները և կկառուցեն ավելի լավ Հայաստան:

Լրատվության աղբյուրը՝ Հ1 "Հայլուր" http://youtu.be/yt843h-__Js

ՆՈՐ ՆՈՐՔԻ ՎԵՏԵՐԱՆՆԵՐԻ ԽՈՐՀՐԴԻ 12-ՐԴ ՀԱՄԱԺՈՂՈՎԸ

Ապրիլի 16-ին Նոր Նորք վարչական շրջանի վետերանների խորհուրդը կազմակերպեց իր հերթական հաշվետու համաժողովը: Երկու տարին մեկ իրականացվող կոնֆերանսը յուրօրինակ հաշվետվություն է այդ ժամանակահատվածում կատարված աշխատանքների և տարաբնույթ միջոցառումների վերաբերյալ: Այս տարի 12-րդ համագումարն անկացվեց Նոր Նորքի վարչական շենքի դահլիճում, որտեղ նախքան կոնֆերանսի մեկնարկը, մշակութային ողջույնով վետերաններին ներկայացան Նոր Նորքի մշակույթի կենտրոնի սաները: Պարային և երաժշտական կատարումներով գեղարվեստական խմբերը ոչ միայն հաճելի պահեր պարգևեցին ներկաներին, այլև ազգային, ժողովրդական մշակույթի ոգին տարածեցին դահլիճում:

Նոր Նորքի վետերաններին ողջունեց նաև վարչական շրջանի ղեկավար Մելքի Գասպարյանը՝ ազդարարելով հաշվետու կոնֆերանսի մեկնարկը:

Վետերանների խորհուրդը ոչ միայն ներկայացրեց վերջին տարիների ընթացքում կատարած աշխատանքների հաշվետվությունը, այլև կազմակերպեց խորհրդի նախագահի ընտրություն: Քվերակության արդյունքների համաձայն Նոր Նորքի վետերանների խորհրդի նախագահ Նելլի Դադալյանը վերընտրվեց իր իսկ պաշտոնում:

Վետերանների խորհրդի ամփոփիչ կոնֆերանսում ի մի բերվեցին նաև առաջիկա անելիքներն ու հետագա ծրագրերը:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԳՐՔԻ ՏՈՆԸ ՆՈՐ ՆՈՐՔ ՎԱՐՉԱԿԱՆ ՇՐՋԱՆՈՒՄ

Հայ տպագրության 500-ամյա ժառանգության շնորհիվ Հայաստանի 12-րդ մայրաքաղաք Երևանը 2012 թվականին դարձավ գրքի համաշխարհային 12-րդ մայրաքաղաք: Այս հեղինակավոր տիտղոսը կրելը մեծ խորհուրդ ունի հայերիս կյանքում, քանի որ գրքի հանդեպ մեծ սեր և նվիրում ունեցող մեր ազգը այդ սիրով է դարեր անցել:

Այս առումով Երևանում օրեր շարունակ կազմակերպվում են տարբեր միջոցառումներ: Ապրիլի 22-ին Նոր Նորք վարչական շրջանում մշակութային միջոցառումների իսկական հրավառություն էր: Բոլոր դպրոցներում, մշակութային և գրական օջախներում գրքի տոնը առանձնակի հնչեղություն էր ստացել: ՈՒշագրավ էր հատկապես Նոր Նորքի կենտրոնական գրադարանում կազմակերպված միջոցառումը, որն իր շուրջն էր համախմբել ինչպես ստեղծագործող, այնպես էլ ընթերցասեր հանրությանը: Գրադարանի հյուրն էր նաև Արցախի ժողովրդական արտիստուհի, “Ոսկե ձայն” Կարինե Առուստամյանը, ով իր գեղեցիկ երաժշտական կատարմամբ ամբողջացրեց օրվա տոնական տրամադրությունը:

ՏԵՍԱՆՅՈՒԹ

Նոր Նորքի գրադարանը հյուրընկալել էր ստեղծագործող և գիրք գրող իր բարեկամներին, ովքեր մանուկ սերնդին ներայացրեցին գրքի դերն ու նշանակությունը, խոսեցին վերջին շրջանում հրատարակված իրենց ստեղծագործությունների մասին:

Նոր Նորք վարչական շրջանում մեծ հնչեղություն ստացած գրքի տոնը առանձնահատուկ շուքով նշվեց նաև Տիգրան մեծ հրապարկում: Այստեղ տոնական ինքնատիպ ծրագրով էին ներկայանում Նոր Նորքի մշակույթի կենտրոնի գեղարվեստական խմբերը: Գրքի տոնի առթիվ բեմադրվել էր գեղեցիկ թատերական ներկայացում մշակույթի կենտրոնի թատերական խմբի սաների մասնակցությամբ:

Նոր Նորքի մշակույթի կենտրոնի տոնական միջոցառումը ուղեկցվեց ոչ միայն գրքի մեծարմանը ուղղված պարային և երաժշտական կատարումներով այլև նկարչական աշխատանքների ցուցահանդեսով, որտեղ թեման կրկին գիրքն էր մանուկների աչքերով:

Նոր Նորք վարչական շրջանի մշակույթի կենտրոնը երկար էր պատրաստվել գրքի տոնին, այստեղ երեխաները ոչ միայն գեղագիտական դաստիարակություն են ստանում, այլև հաղորդակցվում են ազգային մտավոր արժեքներին:

Գրքի տոնը Նոր Նորք վարչական շրջանում ազդարարվեց տարաբնույթ միջոցառումների մի շղթայով, որոնք դեռ շարունակական ընթացք կունենան:

Գիրքը մարդուն մղում է կատարելության: Բանականության այս մշակը լույսի արահետներ է բացում կյանքի խառնարանում՝ հարստացնելով մեր հոգին և միտքը:

Հավետ փառք և խոնարհում քեզ, Նորին Մեծություն գիրք:

Նոր Նորքի կենտրոնական գրադարան