Նոր Նորքի մարզիկների հաղթական ելույթը միջազգային մրցասպարեզում

Նոր Նորքի մարզիկները միջազգային մրցասպարեզում 

Կիպրոսում կայացած "Աշխարհի գլոբալ թեքվանդոյի 2013 թ առաջնությանը" մասնակցում էր նաև ՀՀ թեքվանդոյի ֆեդերացիայի 7 հոգուց կազմված հավաքականը: Նոր Նորքի Տորնադո մարզական ակումբից մրցաշարին մասնակցում էին 4 մարզիկ, որոնցից Հայկ Կարապետյանն ուՆարեկ Պողոսյանը նվաճեցին առաջին, իսկ Հովիկ Կարապետյանն ու Իրանի Իսլամական Հանրապետության քաղաքացի, Նոր Նորքի բնակիչ Շահրամ Մուհամմադին՝ երկրորդ պատվավոր տեղերը:Տորնադո ակումբի հավաքականը ֆեդերացիայի հավաքականի կազմի հետ գլխավորում էր ֆեդերացիայի նախագահ, միջազգային սև գոտի 8-րդ դան, արևելյան մարտարվեստի դոցենտ Կարեն Աղաջանյանը: Հայ մարզիկները բազմիցս են հիացրել աշխարհին՝ բարձրում ծածանելով հայոց դրոշը: Շնորհավորելով հերթական փայլուն հաղթանակի առթիվ՝ մաղթում ենք նորանոր հաջողություններ:

Նորնորքցի 35 երեխա ևս մեկնեց Ծաղկաձորի «Աղբյուր» ճամբար

Այսօր՝ 01.07.2013թ, Նոր Նորքի 35 երեխա վարչական շրջանի ղեկավար Արմեն Ուլիխանյանի ուղեկցությամբ մեկնեց Ծաղկաձորի «Աղբյուր» ճամբար՝ անցկացնելու իր ամառային հանգիստը: 
Նոր Նորք վարչական շրջանի ղեկավարը Ծաղկաձոր մեկնող երեխաներին մաղթեց բարի ճանապարհ և լիարժեք հանգիստ՝ նվիրելով նրանց խաղեր ու մարզական շապիկներ: 
Ավանդական բնույթ ստացած ծրագիրն իրականացվում է կառավարության կողմից և ֆինանսավորվում պետական բյուջեի միջոցներով: Ճամբարը նախատեսված է որոշակի կարգավիճակ ունեցող ընտանիքների 7-13 տարեկան երեխաների համար, որոնց թվում են զոհված եւ վիրավոր ազատամարտիկների, սոցիալապես անապահով, նպաստառու, միակողմանի եւ երկկողմանի ծնողազուրկ, բազմազավակ ընտանիքները: Նախօրոք ուսումնասիրվել է վարչական շրջանում առկա համանման կարգավիճակ ունեցող երեխաների ցանկը, որպեսզի հանգստացողների մեջ ընդգրկվեն առավել կարիքավորները: Ծաղկաձորի «Աղբյուր» ճամբարում երեխաները կհանգստանան 20 օր՝ մինչև հուլիսի 20-ը, որից հետո ճամբար կմեկնի երկրորդ հերթում ընդգրկված ևս 35 երեխա, ովքեր ճամբարում կհանգստանան հուլիսի 20-ից մինչև օգոստոսի 9-ը: 
Նկարները այստեղ՝ «Նորնորքցի 35 երեխա ևս մեկնեց Ծաղկաձորի «Աղբյուր» ճամբար» 

Նոր Նորքում ապրող Սուրենյանների ընտանիքում տոն էր

2012թ-ից Սիրիայից Նոր Նորք տեղափոխված 4 հոգուց կազմված Սուրենյանների ընտանիքում տոն էր: Նոր Նորք վարչական շրջանի ղեկավարի նախաձեռնությամբ աշխատակազմի սոց. ապահովության, առողջապահության և ծրագրերի բաժնի ներկայացուցիչները ընտանիքին նվեր էին տարել սառնարան, որի կարիքը շատ էր զգացվում:
Երևանի քաղաքապետ Տարոն Մարգարյանի հանձնարարականով սիրիահայ մեր հայրենակիցներին ցուցաբերվող աջակցությունը պետք է լինի ամենօրյա հոգածության ու առաջնային ուշադրության կենտրոնում:
Այսօրինակ ծրագրերով նպաստելով Հայաստան տեղափոխված ընտանիքների կայացմանը՝ կայուն նախադրյալներ են ստեղծվում հայրենադարձության համար:

Նկարները այստեղ՝ Նոր Նորքում ապրող Սուրենյանների ընտանիքում տոն էր

Քաղաքացիների ընդունելությունը Նոր Նորքում 06.06.2013

Այսօր Նոր Նորք վարչական շրջանի ղեկավարի կողմից կատարվող քաղաքացիների ընդունելությանը գրանցված 22 բնակչից ներկա էին 20-ը: Առաջադրվող հարցերը բազմազան էին. 

.Ութ բնակիչ դիմել էր սոցիալական աջակցության խնդրանքով: Ըստ առաջնահերթության բնակչության որոշ մասին ցուցաբերվել է ֆինանսական օգնություն: 
.Ութ բնակիչ դիմել էր կառուցապատման թույլտվության խնդրանքով, որոնցից մեկի դեպքում կպատրաստվի միջնորդագիր Երևանի քաղաքապետարան թույտվություն ստանալու համար, երկուսի դեպքում կպատրաստվի փաստաթղթերի փաթեթ և կներկայացվի Երևանի քաղաքապետարան, իսկ մնացած դեպքերում կկատարվեն համապատասխան ուսումնասիրություններ և ապա՝ կտրվի պատասխան: 
.Չորս բնակիչ դիմել էր կոմունալ տարբեր խնդիրներով, որոնցից երկուսը՝ տանիքի վերանորոգման հարցով, մեկը՝ շենքի մուտքի ծածկը բարեկարգելու խնդրով, իսկ մյուսը՝ ասֆալտապատման առաջարկ-խնդրանքով: Ասֆալտապատման խնդրանքը մերժվեց, քանի որ տվյալ տարածքը ընդգրկված չէ ծրագրում, իսկ մյուս հարցերին ընթացք տալու համար կկատարվեն համապատասխան ուսումնասիրություններ, կձեռնարկվեն անհրաժշետ քայլեր:

Նկարները այստեղ՝ <Քաղաքացիների ընդունելությունը Նոր Նորքում 06.06.2013> 

Երևան քաղաքում ասֆալտապատման ծավալները աննախադեպ են՝ 2.5 միլիոն քառակուսի մետր: Աշխատանքները բնականոն ընթացքի մեջ են նաև Նոր Նորք վարչական շրջանում

Այս տարի Երևան քաղաքում ասֆալտապատման ծավալները աննախադեպ էին՝ 2.5 միլիոն քառակուսի մետր: Երևանի քաղաքապետ Տարոն Մարգարյանի հանձնարարությամբ վարչական շրջաններում ասֆալտապատման աշխատանքները մեկնարկեցին վաղ գարնանից և արդեն ավարտական փուլում են:

Այս ուղղությամբ աշխատանքները բնականոն ընթացքի մեջ են նաև Նոր Նորք վարչական շրջանում: Հերթականների կազմում էր նաև Նոր Նորքի Բադալ Մուրադյան փողոցը, որտեղ իրականացվող ասֆալտապատման աշխատանքները ևս մոտենում են ավարտին:

Նկարները այստեղ՝ <Ասֆալտապատում Բադալ Մուրադյան փողոցում >

Վերանորոգման աշխատանքներ Նոր Նորքի թիվ 112 մանկապարտեզում

Նոր Նորք վարչական շրջանի 2013թ բարեկարգման ծրագրով մասնակի վերանորոգման աշխատանքներ իրականացվեցին թիվ 112 մանկապարտեզում: Հիմնանորոգվեց սանհանգույցը, հարդարման աշխատանքներ իրականացվեցին նաև խմբասենյակներում՝ տեղադրվեցին նոր, ժամանակակից դռներ ու պատուհաններ, ինչպես նաև լամինատե հատակ:

Նկարները՝ այստեղ

Դպրոցի ճամփան կարճ է, դուրալի կարծես ավելի... Նոր Նորքում բարեկարգվեցին թիվ 186 դպրոց տանող երկարաձիգ աստիճանահարթակները

Նոր Նորք վարչական շրջանում շարունակական ընթացքի մեջ են աստիճանահարթակների վերանորոգման աշխատանքները:
Հերթականների կազմում էին նաև Նոր Նորքի 8-րդ զանգվածի 36 շենքից, 11 շենքից և 6 շենքից դեպի N186 դպրոց տանող աստիճանահարթակները, որոնք հիմնանորոգվել են, տեղադրվել են նոր բազրիքներ:
Նկարները՝ այստեղ

Ժպիտների հրավառություն Նոր Նորքում

Երեխաները մեր կյանքի ամենապայծառ ու լուսավոր էակներն են, մեր երկրի նոր ապագայի կառուցողները:
Երեխաների պաշտպանության միջազգային օրվա՝ հունիսի 1-ի առթիվ, Նոր Նորք վարչական շրջանի ղեկավարի աշխատակազմի շենքի բակում կազմակերպվել էր մանկական ժամանցային ուրախ ծրագիր: 
Հեքիաթի ու սիրված մուլտֆիլմերի հերոսների այցելությունը ժպիտների և ոգևորության հրավառություն էր ստեղծել մանկության մոլորակում: 

ՏԵՍԱՖիԼՄ

 Փոքրիկների համար կազմակերպվել էր նաև կավճանկարչություն. երեխաները գունավոր կավիճների օգնությամբ պատկերում էին իրենց վառ երևակայությունը՝ գույների ծիածան սփռելով ողջ բակում: 

Տոնի ընթացքում երեխաները հյուրասիրվեցին նաև փքաբլիթով և պաղպաղակով: Հ. Դանիելյանի անվ. արվեստի դպրոցի և Նոր Նորքի Մշակույթի կենտրոնի գեղարվեստի խմբերի սաների մասնակցությամբ իրականացվեց նկարչական աշխատանքների ու ձեռարվեստի գործերի ցուցադրություն: Միջոցառման ողջ ընթացքում ներկա էր նաև Նոր Նորք վարչական շրջանի ղեկավար Արմեն Ուլիխանյանը: Տոնական ցերեկույթն ուղեկցվեց պարային ու երաժշտական ուրախ ծրագրով՝ ժպիտներ ու բարձր տրամադրություն հաղորդելով ներկաներին:

Նկարները այստեղ՝ <Հունիսի մեկը Նոր Նորքում>

Տեսանյութը այստեղ՝  <Մանկության մոլորակում ժպիտների և ոգևորության իսկական շքահանդես էր>

Նոր Նորք վ/շ ղեկավար՝ Արմեն Ուլիխանյանի բարեմաղթանքը հունիսի 1-ի առթիվ

Սրտանց շնորհավորում են բոլոր երեխաներին և ծնողներին ամառային այս գեղեցիկ ու հրաշալի տոնի՝ հունիսի մեկի կապակցությամբ:
Իմ սիրելի փոքրիկ բարեկամներ, մաղթում եմ ձեզ քաջ առողջություն և երջանկություն: Դուք մեր ազգային հպարտությունն եք, մեր երկրի նոր ապագայի կառուցողները:
Ցանկանում եմ, որ ձեր մանկության հեքիաթային մոլորակում մշտապես շողա պայծառ արևը, թևածի սերն ու խաղաղությունը:
Ինչպես մեր հանճարեղ Սևակն է ասել՝ "աշխարհին մանկան մաքրություն է պետք". ձեր անկեղծությամբ ու բարությամբ դուք մաքրագործում եք աշխարհը:
Մաղթում եմ բոլորիդ անսահման ջերմություն, անհոգ ու հետաքրքիր մանկություն:

Նոր Նորք վարչական շրջանի ղեկավար՝ Արմեն Ուլիխանյան 

Հունիսի մեկը Նոր Նորքում (Ուրախ ժամանցային ծրագիր)

Երեխաների պաշտպանության միջազգային օրվա՝ հունիսի 1-ի առթիվ, Նոր Նորք վարչական շրջանի ղեկավարի աշխատակազմի շենքի բակում կազմակերպվել էր մանկական ժամանցային ուրախ ծրագիր:
Հեքիաթի ու սիրված մուլտֆիլմերի հերոսների այցելությունը ժպիտների և ոգևորության հրավառություն էր ստեղծել մանկության մոլորակում:
Փոքրիկների համար կազմակերպվել էր նաև կավճանկարչություն. երեխաները գունավոր կավիճների օգնությամբ պատկերում էին իրենց վառ երևակայությունը՝ գույների ծիածան սփռելով ողջ բակում:
Տոնի ընթացքում երեխաները հյուրասիրվեցին նաև փքաբլիթով և պաղպաղակով: Հ. Դանիելյանի անվ. արվեստի դպրոցի և Նոր Նորքի Մշակույթի կենտրոնի գեղարվեստի խմբերի սաների մասնակցությամբ իրականացվեց նկարչական աշխատանքների ու ձեռարվեստի գործերի ցուցադրություն: Միջոցառմանը ներկա էր նաև Նոր Նորք վարչական շրջանի ղեկավար Արմեն Ուլիխանյանը:
Ողջ ցերեկույթն ուղեկցվեց պարային ու երաժշտական ուրախ ծրագրով՝ ժպիտներ ու տոնական բարձր տրամադրություն հաղորդելով ներկաներին:
Նկարները այստեղ՝ «Հունիսի մեկը Նոր Նորքում (Ուրախ ժամանցային ծրագիր) »