Միջոցառմանը հյուրընկալվել էին ՀՀ պաշտպանության նախարար Սեյրան Օհանյանը, ՀՀ ԱԺ պատգամավոր Մկրտիչ Մինասյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, Նոր Նորք վարչական շրջանի ղեկավար Արմեն Ուլիխանյանը և այլ բարձրաստիճան պաշտոնատար անձիք:
Միջոցառումը կատարած աշխատանքների յուրօրինակ հաշվետվություն էր: Շրջելով նորոգված ընդարձակ սրահով՝ հյուրերը ծանոթացան կրթօջախի միջազգային բնագավառում ունեցած հաջողություններին և ապագա ծրագրերին, իսկ դահլիճում ազգային, ռազմահայրենասիրական ոգին էր թևածում:
ՀՀ պաշտպանության նախարարը իր ելույթում հատկապես արժևորեց ճեմարանի վարած գործելաոճը՝ միտված նոր սերնդին կրթելու հերոսական ոգով, ձևավորելու պետական մտածելակերպով, համակողմանի կրթված, մրցունակ շրջանավարտներ:
Գիտելիքի օրվա առթիվ շնորհավորական խոսք ուղղեց ներկաների նաև Նոր Նորք վարչական շրջանի ղեկավար Արմեն Ուլիխանյանը՝ աշակերտներին մաղթելով բարձր առաջադիմություն, իսկ նրանց կրթելու առաքելությունը պատվախնդրորեն ստանձնած հայ մանկավարժներին՝ հաջողություններ իրենց պատասխանատու և ազգանվեր աշխատանքում:
Միջոցառումն ուղեկցվեց կրթօջախի տաղանդաշատ սաների գեղարվեստական կատարումներով՝ ամբողջացնելով օրվա տոնական խորհուրդը:
Հյուրերը եղան նաև Շիրակացու անվան ճեմարանի հիմնանորոգված ճաշասրահում և ճեմարանականների հետ միասին օգտվեցին նրանց ամենօրյա սննդից:
Նկարները՝ այստեղ
